Qazaqstanda karantin kezindegidei muqtaj otbasylardyń kommýnaldyq shyǵyndary taǵy da ótele me? Bul suraqqa Tabiǵi monopoliialardy retteý komitetiniń tóraǵasy Asan Darbaev jaýap berdi, dep habarlaidy "Ult aqparat".
«Bul suraqtyń jaýaby salalyq memlekettik organdardyń, Eńbek jáne halyqty áleýmettik qorǵaý ministrliginiń, ákimdikterdiń birlesken sheshimine bailanysty aiqyndalady», - dedi komitet basshysy OKQ-da tilshilerdiń suraǵyna jaýap bere otyryp.
Spiker sonymen qatar osy jyldyń kókteminde halyqtyń bir bóliginiń kommýnaldyq shyǵyny ótelgenin eske saldy.
«Kommýnaldyq shyǵynyn ótei almaǵan ár adamnyń derbes shotyna 15 myń teńgeden aýdaryldy. Bálkim bul másele elimizdiń basym óńirlerinde tótenshe jaǵdai rejimi men karantin engizilgende ózekti bola túsýi múmkin», - dedi Asan Darbaev.
