Qazaqstandyqtarǵa múgedektigine jáne asyraýshysynan aiyrylýyna bailanysty járdemaqy túrinde 300 mlrd teńgeden astam qarajat tólendi, dep habarlaidy "Ult aqparat" QR Eńbek jáne halyqty áleýmettik qorǵaý ministrliginiń baspasóz qyzmetine silteme jasap.
Baspasóz qyzmeti taratqan aqparatqa qaraǵanda, 2020 jylǵy qańtar-qazan aralyǵynda respýblikalyq biýdjetten múgedektikke bailanysty memlekettik áleýmettik járdemaqy tóleýge 242 mlrd teńge, asyraýshysynan aiyrylýy boiynsha járdemaqy tóleýge 61 mlrd teńge bólindi.
2020 jylǵy qazan aiynda respýblikalyq biýdjetten múgedektikke bailanysty memlekettik áleýmettik járdemaqy tóleýge 23,6 mlrd teńge, asyraýshysynan airylý boiynsha járdemaqy tóleýge 6,2 mlrd teńge baǵyttaldy.
2020 jylǵy 1 qarashadaǵy jaǵdai boiynsha múgedektikke bailanysty memlekettik áleýmettik járdemaqy alýshylardyń sany 518,8 myń adamdy, asyraýshysynan aiyrylý jaǵdaiy boiynsha járdemaqy alýshylar sany 145,7 myń adamdy quraidy.
Múgedektik jáne asyraýshysynan aiyrylý jaǵdaiy boiynsha memlekettik áleýmettik járdemaqylar mólsheri múgedektiktiń toby men sebebine, qaitys bolǵan (qaza tapqan) asyraýshynyń asyraýynda bolǵan adamdardyń sanyna, sondai-aq tiisti qarjy jylyna arnalǵan «Respýblikalyq biýdjet týraly» zańda belgilengen eń tómengi kúnkóris deńgeiine bailanysty bolady.
«2020 jylǵy 1 qarashaǵa múgedektigi boiynsha memlekettik áleýmettik járdemaqynyń ortasha mólsheri – 45 507 teńgeni, asyraýshysynan airylý jaǵdaiy boiynsha memlekettik áleýmettik járdemaqynyń ortasha mólsheri – 42 614 teńgeni qurady», - delingen habarlamada.
