Qazaqstanda 2012 jyldan 2016 jylǵa deiin muǵalimderdiń jalaqysynyń ortasha kólemi 67 900 teńgeden 99 100 teńgege deiin ósti. Bul týraly QR Bilim jáne ǵylym ministrliginiń Facebook jelisindegi paraqshasynda aitylady.
"Muǵalim mamandyǵyna degen suranys jalaqy mólsherine qarai anyqtalatynyn jaqsy túsinemiz. Bizdiń ministrlik pedagogtar kirisin kóterýge barynsha tyrysyp keledi. Árine, muǵalimniń jalaqysyna onyń bilim sanaty, jumys ótili, oqý júktemesi sekildi jáitter da áser etetini sózsiz", - delingen habarlamada.
Vedomstvo málimetinshe, 2012-2016 jyldar aralyǵynda muǵalimder 45,9 paiyzǵa artyq aqy ala bastady. Jalaqynyń ósý qarqynyna toqtalar bolsaq, 2012 jyl men 2015 jyl aralyǵynda qazaqstandyq pedagogtardyń ailyǵy 2-7 paiyzǵa, al 2016 jyly 31,8 paiyzǵa artty.
