Foto: Octagon
Depýtattyq saýalǵa jaýap bere otyryp, Oljas Bektenov 2013 jyldan bastap aralas jekpe-jek sportyn damytý Qazaqstannyń Birikken MMA federatsiiasy arqyly júrgizilip kele jatqanyn eske saldy, dep habarlaidy Ult.kz májilistiń resmi saityna silteme jasap.
2019 jyldan bastap «Kásibi MMA» sport túrleriniń tizimine engizildi. Qazirgi ýaqytta Qazaqstanda Alash Pride, OCTAGON PROMOTION, Naiza Fighting Championship jáne Erkin Kúsh siiaqty tórt halyqaralyq klýb jumys isteidi, olardyń barlyǵy jeke qarjy kózderinen qarjylandyrylady.
Bektenovtiń málimetinshe, elde 592 sektsiiada 23 myńnan astam adam 193 jattyqtyrýshynyń basshylyǵymen daiyndalyp júr. MMA bólimderi birneshe sport mektepterinde ashylǵan, al Qazaqstan quramasy quramynda 94 sportshy halyqaralyq chempionattarǵa qatysady. Qazirgi tańda Qazaqstan quramasy Aziiada birinshi jáne Halyqaralyq MMA federatsiiasynyń (IMMAF) quramyndaǵy 130 eldiń ishinde álemde úshinshi orynda tur.
Májiliste qaralyp jatqan jańa zań jobasy aiasynda memlekettik qarjylandyrýdy qysqartý josparlanyp otyr, al biýdjet qarajaty tek ulttyq sporttyq baǵdarlamalarǵa, Olimpiada, Paralimpiada, Sýrdlimpiada, Aziia jáne Paraaziialyq oiyndarǵa, sondai-aq joǵary jetistikter sportyna baǵyttalatyn bolady.
«MMA-ny damytýmen tikelei MMA federatsiiasy ainalysatyn bolady», — dep atap ótti premer-ministr.
