© Photo: pkzsk.info
Soltústik Qazaqstan oblysynda milliard teńgege salynǵan saqaldy qurylysta aqaý paida boldy, dep habarlaidy Sputnik Qazaqstan saity Petropavl.news portalyna silteme jasap.
Ǵabit Músirepov aýdanynda 2019 jyldan bastap avtomobil kópiri salyndy, shaǵyn kópir saqaldy qurylysqa ainaldy. Al 2023 jyly "Jol aktivteri sapasynyń ulttyq ortalyǵy" filialynyń mamandary jańa kópirde asfaltbetonnyń jarylyp ketkenin anyqtady.
"Ershovka - Aryqbalyq - Chistopole - Esil" avtojolynyń 142-shi shaqyrymynda kópirdegi aqaýlar biyl jol-qurylys maýsymynda joiylady. Qurylys jumystaryn júrgizý kezinde nysanda segregatsiia (jabynnyń stratifikatsiiasy) jáne jaryqtar tory bar", — dep túsindirdi filial basshysy Joldybai Tentekov.
Merdiger kópirge kúrdeli jóndeýdi 2019 jyldyń jazynda bastaǵan. Kelisimshart boiynsha jumys alty aida aiaqtalýy kerek edi, biraq kútpegen jerden qys bastalyp, qurylys tolyǵymen toqtatyldy. Sodan keiin jumysty basqa kásiporyn aiaqtady, zertteý kórsetkendei, sapasyz.
"Jol aktivteri sapasynyń ulttyq ortalyǵynyń" mamandary oblystyń 163 jol obektisine jóndeý jumystary boiynsha qadaǵalaý júrgizdi. Tentekovtyń aitýynsha, nátijesinde 190 aqaý men buzýshylyq anyqtalǵan. Olardyń 141-i joiyldy, qalǵandarynda jumystar júrip jatyr.
