Foto: Pexels.com
Biylǵy qańtar–qyrkúiek ailarynda elimizdegi meimandardy ornalastyrý oryndary 7,8 million qonaqty qabyldady. Bul ótken jyldyń sáikes kezeńimen salystyrǵanda 12,4% artyq, dep habarlaidy Ult.kz.
Ulttyq statistika biýrosynyń málimetinshe, týrister eń kóp toqtaǵan óńirler:
-
Almaty – 1,8 mln adam,
-
Astana – 1,1 mln adam,
-
Almaty jáne Aqmola oblystary – árqaisysy 530 myń adam.
Qonaqtardyń 48,6%-y meiramhanasy bar qonaqúilerdi tańdasa, 27%-y meiramhanasy joq qonaqúilerde ornalasqan. Al 14%-y kottedjder, shaǵyn úiler men páter túrindegi oryndardy tańdaǵan.
Kelýshilerdiń ishinde 13,9% – shetel azamattary. Sheteldik qonaqtardyń 53,6%-y Qazaqstanǵa jeke maqsatpen, qalǵany iskerlik saparmen kelgen. Elimizge eń kóp kelgender – Resei (333,3 myń), Qytai (182,7 myń) jáne Úndistan (93,4 myń) azamattary.
Qazaqstanda qonaqtardy ornalastyrýmen ainalysatyn 4 499 obekti jumys isteidi. Onda jalpy 95 035 nómir bar.
Qańtar–qyrkúiek ailarynda turý oryndarynyń kórsetken qyzmet kólemi 268 mlrd teńgege jetken.
