Foto: Aqorda
Búgin ótken Respýblikalyq tamyz konferentsiiasynda Memleket basshysy Qasym-Jomart Toqaev eldegi saiasi jáne qoǵamdyq ózgerister týraly aitty, dep habarlaidy Ult.kz.
Prezidenttiń sózinshe, sońǵy jyldary Qazaqstanda saiasi júie tolyq jańaryp, ulttyq ekonomikanyń jańa baǵyty aiqyndaldy. Qoǵamda zańǵa qurmet pen tártipti saqtaý mádenieti qalyptasyp keledi.
— «Memlekettik qyzmette meritokratiia qaǵidaty basty orynǵa shyqty. Bilikte de «otbasylyq júie» joq. Qyzmetke taǵaiyndaýda úmitkerdiń bilimi men kásibi biligi birinshi kezekte eskeriledi», — dedi Toqaev.
Memleket basshysy qoǵamnyń túbegeili jańǵyrýy úshin sanany ózgertý mańyzdy ekenin atap ótti. Bul rette ustazdarǵa erekshe jaýapkershilik júkteletinin aitty: «Naǵyz adal azamat mektep qabyrǵasynda qalyptasady».
