Búgin QR Premer-Ministriniń orynbasary Eraly Toǵjanovtyń tóraǵalyǵymen Qazaqstan Respýblikasynyń aýmaǵynda koronavirýs infektsiiasynyń taralýyna jol bermeý jónindegi vedomstvoaralyq komissiianyń (VAK) otyrysy ótti, dep habarlaidy QazAqparat.
VAK otyrysynda qazaqstandyq jáne sheteldik azamattardyń Qazaqstan Respýblikasynyń memlekettik shekarasyn kesip ótý tártibin jeńildetý máseleleri talqylandy.
Nátijesinde, vedomstvoaralyq komissiia ýaqytsha shekteýlerdi alyp tastaý týraly sheshim qabyldady:
- Qazaqstan Respýblikasy azamattarynyń Qazaqstan Respýblikasynyń halyqaralyq áýejailary arqyly shet memleketterge shyǵýyna;
- vizalyq talaptar saqtalǵan jaǵdaida sheteldikterge vizasyz rejimi bar elderden, sondai-aq tikelei áýe qatynasy bar elderden (turaqty, turaqty emes charterlik reister) Qazaqstan Respýblikasynyń aýmaǵyna/aýmaǵy arqyly kirýge/tranzittik ótýge.
Sondai-aq Qazaqstan Respýblikasynyń azamattary úshin avtoótpe joldary arqyly shet memleketterge shyǵý úshin shekteý merzimi eki ese azaityldy, endi qazaqstandyqtar 15 táýlikte 1 ret shyǵa alady.
Elge kirý kezindegi jalǵyz talap – shetelden kelgenderdiń barlyǵy vaktsinatsiiadan ótýine qaramastan 72 saǵat ishinde jaramdy koronavirýstyń teris PTR testi týraly anyqtamany usynýy kerek. Erip júretin adamdarda teris test týraly qujat bolǵan kezde 5 jasqa deiingi balalardan anyqtama talap etilmeidi.
«Bul sharalar ekonomikalyq qyzmetti jandandyrýǵa, otandyq týristik biznesti damytýǵa jáne eldiń investitsiialyq ahýalyn jaqsartýǵa baǵyttalǵan.
Memleket basshysy Qasym-Jomart Toqaev 21 qańtarda biznes ókilderimen kezdesý barysynda Úkimetke koronavirýstyq infektsiianyń taralýyna jol bermeý boiynsha karantindik sharalardy qoldaný tásilderin qaita qaraýdy tapsyrǵan bolatyn», - delingen VAK málimetinde.
