Qazaqstanda memlekettik qyzmetterdi alý kezinde elektrondyq qujattarǵa qol qoiý tehnologiiasy retinde ETsQ-nyń ornyn QR almastyrady. Bul týraly tsifrlyq damý, innovatsiialar jáne aeroǵarysh ónerkásibi ministri Baǵdat Mýsin Facebook paraqshasynda habarlady.
Ministrdiń sózinshe, 14 qazanda memlekettik qyzmet kórsetý máseleleri jónindegi vedomstvoaralyq komissiianyń kezekti otyrysy ótti. Kún tártibinde elektrondy-tsifrlyq qoltańbadan bas tartý, halyqqa qyzmet kórsetý ortalyqtarynan qujattar alý, emhanaǵa tirkelý jáne bizneske arnalǵan qyzmetterdi jetildirý máseleleri qarastyrylǵan.
"Meniń oiymsha, biz birinshi kezekte halyqqa elektrondyq qyzmetterdi paidalaný yńǵaily ekenine kóz jetkizýimiz kerek. Qazirgi ýaqytta QR arqyly qol qoiý mehanizmi ázirlendi, ol yńǵaily jáne qaýipsiz. Ony barlyq portaldarǵa engizý ǵana qaldy. Bul jumysty jandandyrý jáne NCALayer júiesinen tolyq bas tartý boiynsha tapsyrma berdim.
Otyrys barysynda mynandai másele kóterildi. Keibir jaǵdailarda qyzmet alýshylar qandai da bir qujattyń daiyn bolǵany týraly SMS habarlama alyp, HQKO-ǵa kelgende onyń áli jetkizilmegenin bilip jatady. Biz bul qyzmetti jetildirip jatqanymyzdy jáne jaqyn ýaqytta adamdar halyqqa qyzmet kórsetý ortalyqtaryna qaita kelmei, qyzmetterdi elektrondyq túrde, ýaqytynda alatynyn atap ótemin.
Sondai-aq, jaqyn arada emhanaǵa tirkelý protsesin tolyq avtomattandyrý josparlanyp otyr. Mundai bastamany Densaýlyq saqtaý ministrligi usyndy. Iaǵni, ótinishter qaǵaz túrinde qaralmaidy, júieniń ózi bárin tekseredi jáne tirkeidi, al kóshken kezde adamǵa jańa turǵylyqty jeri boiynsha emhana usynylady", - deidi ministr.
Sonymen qatar, keshe Ádilet ministrliginiń bastamasymen derekterdi ózgertý protsesterin jeńildetý, mysaly, tirkeý mekenjaiyn ózgertýge qatysty usynys qaralǵan.
"Bul qyzmet bankterdiń qosymshalarynda qoljetimdi bolady. Tek tehnikalyq turǵyda iske asyrý ǵana qaldy, sondyqtan men bul jumystardy jedeldetýdi tapsyrdym.
Odan bólek, memlekettik qyzmetter úshin tólem engizý jaǵdaiy talqylandy.
Sheteldikterdiń qyzmet alýy kezinde aqy tóleý júiesin engizýge basa nazar aýdaryldy. Men múddeli memlekettik organdardaǵy (Ishki ister ministrligi, Ádilet ministrligi, Qarjy ministrligi) jáne Úkimettegi áriptesterime kelesi jyldan bastap sheteldikter úshin tólem engizý mehanizmin ázirleýdi tapsyrdym", - dep túiindedi Mýsin.
