Aqparat jáne qoǵamdyq damý ministrligi «Memlekettik baǵdarlamalardyń biryńǵai portaly» (http://program.2gov.kz/) jáne «Memlekettik BAQ portaly» (http://news.2gov.kz/) dep atalatyn eki jańa portaldy iske qosty. "Ult aqparat" bul týraly vedomstvonyń Telegram-kanalyna silteme jasap habarlaidy.
Memlekettik baǵdarlamalardyń biryńǵai portalynda memlekettik baǵdarlamalardyń iske asyrylý barysy men kezeńderi týraly, olarǵa jaýapty jáne baqylaityn organdar týraly barlyq aqparattar, mýltimediialyq mazmundaǵy nusqaýlyqtar, infografikalar jáne taǵy basqasy ornalastyrylady.
Portaldyń mazmuny únemi jańartylyp otyrady, jaqyn arada onyń Youtube-tegi arnaiy arnamen birigýi júzege asady.
Al Memlekettik BAQ portaly kún saiyn Qazaqstannyń barlyq óńirinen resmi aqparattardy, sondai-aq ortalyq memlekettik organdardyń jańalyqtaryn jariialaidy. Osy BAQ arqyly oqyrmandar men jýrnalister bastapqy derekkózderden aqparat alyp, paidalana alady.
