Qarjy ministri Erulan Jamaýbaev Qazaqstanda 863 memlekettik menshik uiymy jekeshelendiriletinin málim etti, dep habarlaidy QazAqparat.
«Keshendi jospar boiynsha 863 memlekettik menshik uiymy men kvazimemlekettik sektor nysanyn jekeshelendirý qarastyrylǵan. Mundaǵy maqsat - ekonomikadaǵy memlekettiń úlesin 15%-ǵa deiin qysqartý. Qazir bul úles jalpy ishki ónimniń 16,2%-yn quraidy», - dedi Erulan Jamaýbaev OKQ alańynda ótken halyqqa esep berý kezdesýinde.
Onyń aitýynsha buǵan deiin 534,1 mlrd teńgege 503 nysan satylǵan.
«Taǵy 298 nysan qaita qurýǵa jáne taratýǵa baǵyttaldy. Onyń ishinde 220-y qaita qurylyp, taratylady. Jospardyń oryndalýy satylǵan jáne qaita qurýǵa nemese taratýǵa jiberilgen nysandardy qosa alǵanda, 93%-dy, al saýda-sattyqta turǵandardy esepke alǵanda - 96,8%-dy quraidy. Keshendi jospar aiaqtalǵanǵa deiin 62 nysan satý jumysy qaldy. Onyń 34-i saýda-sattyqta tur», - deidi ol.
