2020 jyldyń 5 shildesinen beri jabyq ǵimaratta, qoǵamdyq oryndarda jáne kóshede maska taqpaǵany úshin 2 778 adamǵa aiyppul salyndy. Bul aqparatty QR Densaýlyq saqtaý ministrliginiń resmi ókili Baǵdat Qojahmetov rastady, dep habarlaidy "Ult aqparat".
«Osy jylǵy shildeniń 5-inen bastap maska taqpaǵany úshin 2 778 jeke tulǵa aippul túrindegi ákimshilik jaýapqa tartyldy. Olardyń basym bóligi, naqty aitqanda 2 472-si maska taǵý mindetti jabyq ǵimarattyń ishinde maskasyz júrgeni úshin aiyppul arqalady. 306-sy qoǵamdyq oryndar men kóshede talaptardy oryndamaǵany úshin jaýapqa tartylǵan bolatyn», - dedi ol Ortalyq kommýnikatsiialar qyzmetindegi brifing barysynda.
Onyń aitýynsha, karantin talaptaryn buzǵandar densaýlyq saqtaý, quqyq qorǵaý organdarynyń, jergilikti atqarýshy organdardyń ókilderinen jasaqtalǵan top júrgizetin reidterdiń barysynda anyqtalǵan.
Sonymen qatar jergilikti politsiia qyzmetkerleri de sholǵyndaý barysynda karantin talaptarynyń buzylýyn anyqtap, isti Densaýlyq saqtaý ministrliginiń bólimshelerine jiberedi. Sol jerde ákimshilik aiyppul salý týraly sheshim qabyldanady», - dedi Baǵdat Qojahmetov.
