2020 جىلدىڭ 5 شٸلدەسٸنەن بەرٸ جابىق عيماراتتا, قوعامدىق ورىنداردا جەنە كٶشەدە ماسكا تاقپاعانى ٷشٸن 2 778 ادامعا ايىپپۇل سالىندى. بۇل اقپاراتتى قر دەنساۋلىق ساقتاۋ مينيسترلٸگٸنٸڭ رەسمي ٶكٸلٸ باعدات قوجاحمەتوۆ راستادى, دەپ حابارلايدى "ۇلت اقپارات".
«وسى جىلعى شٸلدەنٸڭ 5-ٸنەن باستاپ ماسكا تاقپاعانى ٷشٸن 2 778 جەكە تۇلعا ايپپۇل تٷرٸندەگٸ ەكٸمشٸلٸك جاۋاپقا تارتىلدى. ولاردىڭ باسىم بٶلٸگٸ, ناقتى ايتقاندا 2 472-سٸ ماسكا تاعۋ مٸندەتتٸ جابىق عيماراتتىڭ ٸشٸندە ماسكاسىز جٷرگەنٸ ٷشٸن ايىپپۇل ارقالادى. 306-سى قوعامدىق ورىندار مەن كٶشەدە تالاپتاردى ورىنداماعانى ٷشٸن جاۋاپقا تارتىلعان بولاتىن», - دەدٸ ول ورتالىق كوممۋنيكاتسييالار قىزمەتٸندەگٸ بريفينگ بارىسىندا.
ونىڭ ايتۋىنشا, كارانتين تالاپتارىن بۇزعاندار دەنساۋلىق ساقتاۋ, قۇقىق قورعاۋ ورگاندارىنىڭ, جەرگٸلٸكتٸ اتقارۋشى ورگانداردىڭ ٶكٸلدەرٸنەن جاساقتالعان توپ جٷرگٸزەتٸن رەيدتەردٸڭ بارىسىندا انىقتالعان.
سونىمەن قاتار جەرگٸلٸكتٸ پوليتسييا قىزمەتكەرلەرٸ دە شولعىنداۋ بارىسىندا كارانتين تالاپتارىنىڭ بۇزىلۋىن انىقتاپ, ٸستٸ دەنساۋلىق ساقتاۋ مينيسترلٸگٸنٸڭ بٶلٸمشەلەرٸنە جٸبەرەدٸ. سول جەردە ەكٸمشٸلٸك ايىپپۇل سالۋ تۋرالى شەشٸم قابىلدانادى», - دەدٸ باعدات قوجاحمەتوۆ.
