«QAZMED» meditsina jáne onymen sabaqtas salalar qyzmetkerleriniń salalyq kásipodaǵynyń tóraǵasy Áliaqbar Mátishev meditsinalyq qyzmetker qandai kómek alýy kerektigi jaily pikir bildirdi, dep habarlaidy QazAqparat.
«Ústemeaqy barlyq qyzmetkerge, búkil personalǵa – búgingi tańda aýrýhanalarda koronavirýs infektsiiasymen tynymsyz kúresip jatqan dárigerlerden bastap medbikelerge, kúzetshiler men jedel járdem júrgizýshilerine berilýi tiis. Buǵan qosa virýs juqtyrǵan personal qosymsha ústemeaqy alýy kerek», - dedi Áliaqbar Mátishev OKQ-da ótken baspasóz máslihatynda.
Áliaqbar Mátishevtyń aitýynsha, koronavirýspen, pnevmoniiamen aýyrǵandardyń bári de ońaltýdan ótýi qajet. Sondai-aq olardyń balalary da kútimde bolýy tiis. Sonymen qatar ol meditsinalyq qyzmetkerler shipajailarda densaýlyǵyn ońaltýy kerektigin de jetkizdi.
«Máselen bir otbasyndaǵy eki adam meditsina salasynda eńbek etip, ekeýi de úiine bara almai, qyzmet etip jatýy yqtimal. Olardyń balalary qaida barmaq? Meniń oiymsha, osyndai qyzmetkerlerdiń balalaryna arnalǵan balabaqsha jumys isteýi tiis. Sonymen qatar aldaǵy ýaqytta meditsina qyzmetkerlerin turǵyn úi men turmystyq turǵyda kótermeleý, tólemaqy berý, baspana alǵany úshin ótemaqy berý tetikterin qarastyrǵan abzal», - dedi ol.
Áliaqbar Mátishev sonymen qatar meditsinalyq qyzmetkerlerge ailyǵy ýaqytynda berilip otyrýy kerektigin málim etti.
«Meditsinalyq qyzmetkerlerge qutqarýshylarda bar mártebeni berý kerek. Olarǵa pandemiia ýaqytynda zańǵa sáikes áleýmettik qoldaýdyń barlyq sharasy kórsetilýi kerek», - dedi ol.
