Foto: Pexels.com
Májilis meditsina qyzmetkerlerin qorǵaýdy kúsheitetin zań jobasyn maquldady, dep habarlaidy Ult.kz.
Búgin Májilis depýtattary Qylmystyq kodeks pen Qylmystyq-protsestik kodekske tolyqtyrýlar engizýdi kózdeitin zań jobasyn birinshi oqylymda qoldady. Qujat Memleket basshysynyń meditsina qyzmetkerlerine jasalatyn zorlyq-zombylyq úshin jazany qatańdatý jónindegi tapsyrmasyn oryndaý maqsatynda ázirlengen.
Zań jobasynda meditsina qyzmetkerleri men jedel járdem júrgizýshilerine qyzmettik mindetin oryndaý kezinde kúsh qoldanǵany úshin jańa qylmystyq bap engiziledi. Jaza túrleri árekettiń aýyrlyǵyna qarai saralanady.
Qaýipti emes kúsh qoldaný nemese kúsh qoldanýǵa oqtalý úshin:
-
500–1000 AEK kóleminde aiyppul,
-
sol mólsherde túzetý jumystary,
-
600 saǵatqa deiin qoǵamdyq jumystar,
-
3 jylǵa deiin bas bostandyǵyn shekteý nemese aiyrý jazasy qarastyrylǵan.
Eger áreket aýyr bolsa:
-
3 jyldan 7 jylǵa deiin bas bostandyǵyn shekteý nemese aiyrý jazasy qoldanylady.
Adam ómiri men densaýlyǵyna qaýipti kúsh qoldanǵan jaǵdaida:
-
5 jyldan 10 jylǵa deiin bas bostandyǵynan aiyrý jazasy taǵaiyndalady.
Asa aýyr jaǵdailarda:
-
jaza merzimi 7 jyldan 12 jylǵa deiin ulǵaitylady.
Sonymen qatar, túzetýler aiasynda ishki ister organdaryna osy sanattaǵy qylmystar boiynsha aldyn ala tergeý jáne anyqtaý júrgizýge arnaiy quzyret berý kózdelgen.
