قازاقستاندا مەديتسينا قىزمەتكەرلەرٸنە زورلىق-زومبىلىق جاساعانى ٷشٸن جازا كٷشەيەدٸ

فوتو: Pexels.com

مەجٸلٸس مەديتسينا قىزمەتكەرلەرٸن قورعاۋدى كٷشەيتەتٸن زاڭ جوباسىن ماقۇلدادى, دەپ حابارلايدى Ult.kz.

بٷگٸن مەجٸلٸس دەپۋتاتتارى قىلمىستىق كودەكس پەن قىلمىستىق-پروتسەستٸك كودەكسكە تولىقتىرۋلار ەنگٸزۋدٸ كٶزدەيتٸن زاڭ جوباسىن بٸرٸنشٸ وقىلىمدا قولدادى. قۇجات مەملەكەت باسشىسىنىڭ مەديتسينا قىزمەتكەرلەرٸنە جاسالاتىن زورلىق-زومبىلىق ٷشٸن جازانى قاتاڭداتۋ جٶنٸندەگٸ تاپسىرماسىن ورىنداۋ ماقساتىندا ەزٸرلەنگەن.

زاڭ جوباسىندا مەديتسينا قىزمەتكەرلەرٸ مەن جەدەل جەردەم جٷرگٸزۋشٸلەرٸنە قىزمەتتٸك مٸندەتٸن ورىنداۋ كەزٸندە كٷش قولدانعانى ٷشٸن جاڭا قىلمىستىق باپ ەنگٸزٸلەدٸ. جازا تٷرلەرٸ ەرەكەتتٸڭ اۋىرلىعىنا قاراي سارالانادى.

قاۋٸپتٸ ەمەس كٷش قولدانۋ نەمەسە كٷش قولدانۋعا وقتالۋ ٷشٸن:

• 500–1000 اەك كٶلەمٸندە ايىپپۇل,

• سول مٶلشەردە تٷزەتۋ جۇمىستارى,

• 600 ساعاتقا دەيٸن قوعامدىق جۇمىستار,

• 3 جىلعا دەيٸن باس بوستاندىعىن شەكتەۋ نەمەسە ايىرۋ جازاسى قاراستىرىلعان.

ەگەر ەرەكەت اۋىر بولسا:

• 3 جىلدان 7 جىلعا دەيٸن باس بوستاندىعىن شەكتەۋ نەمەسە ايىرۋ جازاسى قولدانىلادى.

ادام ٶمٸرٸ مەن دەنساۋلىعىنا قاۋٸپتٸ كٷش قولدانعان جاعدايدا:

• 5 جىلدان 10 جىلعا دەيٸن باس بوستاندىعىنان ايىرۋ جازاسى تاعايىندالادى.

اسا اۋىر جاعدايلاردا:

• جازا مەرزٸمٸ 7 جىلدان 12 جىلعا دەيٸن ۇلعايتىلادى.

سونىمەن قاتار, تٷزەتۋلەر اياسىندا ٸشكٸ ٸستەر ورگاندارىنا وسى ساناتتاعى قىلمىستار بويىنشا الدىن الا تەرگەۋ جەنە انىقتاۋ جٷرگٸزۋگە ارنايى قۇزىرەت بەرۋ كٶزدەلگەن.