Máslihattyń úlgi reglamentin bekitý týraly Prezident jarlyǵyna ózgerister engizildi, dep habarlaidy "Ult aqparat" Aqordaǵa silteme jasap.
***
«Máslihattyń úlgi reglamentin bekitý týraly» Qazaqstan Respýblikasy Prezidentiniń 2013 jylǵy 3 jeltoqsandaǵy № 704 Jarlyǵyna ózgerister engizý týraly
2021 jylǵy 25 maýsym
QAÝLY ETEMIN:
1. «Máslihattyń úlgi reglamentin bekitý týraly» Qazaqstan Respýblikasy Prezidentiniń 2013 jylǵy 3 jeltoqsandaǵy № 704 Jarlyǵyna mynadai ózgerister engizilsin:
joǵaryda atalǵan Jarlyqpen bekitilgen Máslihattyń úlgi reglamentinde:
1-tarmaq mynadai redaktsiiada jazylsyn:
«1. Osy Máslihattyń úlgi reglamenti (budan ári – reglament) «Qazaqstan Respýblikasyndaǵy jergilikti memlekettik basqarý jáne ózin-ózi basqarý týraly» Qazaqstan Respýblikasy Zańynyń (budan ári – Zań) 9-babyna sáikes ázirlendi jáne máslihat sessiialaryn, onyń organdarynyń otyrystaryn ótkizý, olarǵa máselelerdi engizý jáne qaraý, máslihat organdaryn qurý jáne sailaý, olardyń qyzmeti týraly esepterdi, halyq aldynda máslihattyń atqarǵan jumysy jáne onyń turaqty komissiialarynyń qyzmeti týraly esepterdi tyńdaý, depýtattardyń saýaldaryn qaraý tártibin, máslihattaǵy depýtattyq birlestikterdiń ókilettikterin, qyzmetin uiymdastyrýdy, sondai-aq daýys berý, apparat jumysynyń tártibin jáne basqa da rásimdik jáne uiymdastyrýshylyq máselelerdi belgileidi.»;
31 jáne 32-tarmaqtar mynadai redaktsiiada jazylsyn:
«31. Máslihat tiisti aýmaq ákiminiń esepterin tyńdaý jolymen jergilikti biýdjettiń atqarylýyn, aýmaqtardy damytýdyń ekonomikalyq jáne áleýmettik baǵdarlamalarynyń oryndalýyn baqylaýdy júzege asyrady.
32. Máslihat «Ákimderdiń máslihattar aldynda esep berýin ótkizý týraly» Qazaqstan Respýblikasy Prezidentiniń 2006 jylǵy 18 qańtardaǵy № 19 Jarlyǵyna sáikes sessiiada tiisti aýmaq ákiminiń esebin tyńdaidy.
Ákimniń (onyń mindetin atqarýshy adamnyń) ózine júktelgen fýnktsiialar men mindetterdi oryndaýy týraly esebi jáne ol boiynsha sheshimniń jobasy tiisti sessiiadan úsh apta buryn máslihattyń turaqty komissiialarynyń qaraýyna engiziledi.
Mynalar:
1) aýmaqty damytý josparlarynyń, ekonomikalyq jáne áleýmettik baǵdarlamalarynyń oryndalýy, jergilikti biýdjettiń atqarylýy týraly ákim usynǵan esepterdi máslihattyń eki ret bekitpeýi;
2) jergilikti qoǵamdastyq jinalysynyń aýdandyq mańyzy bar qala, aýyl, kent, aýyldyq okrýg ákimin laýazymynan bosatý týraly máselege bastama jasaýy máslihattyń ákimge senimsizdik bildirý týraly máseleni qaraýy úshin negiz bolyp tabylady.
Aýdandyq mańyzy bar qala, aýyl, kent, aýyldyq okrýg ákimin laýazymynan bosatý týraly máselege bastama jasaý Zańnyń 39-3-babyna sáikes jergilikti qoǵamdastyq jinalysynyń hattamasymen rastalady»;
34-tarmaq mynadai redaktsiiada jazylsyn:
«34. Oblystardyń, respýblikalyq mańyzy bar qalalardyń, astananyń tekserý komissiialarynyń biýdjettiń atqarylýy týraly esepterin máslihat jyl saiyn qaraidy.».
2. Osy Jarlyq alǵashqy resmi jariialanǵan kúninen bastap kúntizbelik on kún ótken soń qoldanysqa engiziledi.
Qazaqstan Respýblikasynyń Prezidenti Q. Toqaev
Nur-Sultan, Aqorda, 2021 jylǵy 24 maýsym
№ 604
