Qazaqstandyqtardy omikronnyń jańa túrine bailanysty qaita betperde taǵýǵa mindetteý josparda bar ma? Suraqqa densaýlyq saqtaý ministri Ajar Ǵiniiat jaýap berdi, - dep habarlaidy Tengrinews.kz.
Ortalyq kommýnikatsiialar qyzmetinde ótken brifingte Densaýlyq saqtaý ministrliginiń basshysynan "stels-omikron" shtamyna bailanysty Qazaqstanda maska taǵý rejimin qaitarý jospary týraly suraldy.
"Búginde maska taǵý rejimin engizýge negiz joq. Bul eldegi epidemiologiialyq jaǵdaiǵa bailanysty bolady", - dep jaýap berdi Ǵiniiat.
Aqpannyń basynda DDSU mamandary omikronnyń jańa balama túri - "stels-omikron" shtamy taralyp jatqanyn eskertti, ony "qolda bar synaqtardyń kómegimen anyqtaý óte qiyn". Shtamm alǵash ret Afrika qurlyǵynyń bes elinde anyqtaldy: Botsvana, Keniia, Malavi, Senegal jáne Ońtústik Afrika.
13 mamyrda Densaýlyq saqtaý ministrligi Qazaqstanda "stels-omikron" anyqtalǵanyn habarlady.
