Foto: ashyq derekkóz
Qazaqstanda joǵary ailyq alatyn turǵyndar MÁMS-ke kóbirek jarna tóleýi múmkin. Bul týraly Áleýmettik meditsinalyq saqtandyrý qorynyń basqarma tóraǵasy Ábilqaiyr Sqaqov aitty.
Oǵan jýrnalister MÁMS jarnasyna bailnysty suraq qoidy.
"Qazir MÁMS-ke aýdarylatyn jarna qazaqstandyqtardyń tabysynyń 2 paiyzynan alynady. Bul talap ailyǵy 850 myń teńgeden asatyn turǵyndarǵa júrmeidi. Sebebi, 850 myń teńgeden artylǵan somadan MÁMS jarnasy alynbaidy. Elimizde eńbek ótili joǵary ministrler men ákimderdiń jalaqysy 1,2 mln teńgeden asatynyn bilemiz. Demek olar MÁMS jarnasyna osy 1,2 mln teńgeniń 2 paiyzyn emes, 850 myń teńgeniń 2 paiyzynan ǵana tóleidi. Bul ádiletsizdik emes pe?", - dedi jýrnalist.
Ábilqaiyr Sqaqov atalǵan máseleni Densaýlyq saqtaý ministrligi qaraýǵa alǵanyn atap ótti.
"Sizdiń aitqanyńyz ras. Qazaqstandyqtyń ailyǵy 850 myń teńgeden assa, MÁMS jarnasy artyq alynbaidy. Búginde DSM osy máseleni qarastyryp jatyr. Ministrlik tarapynan usynys bar. Qorymyz da óz esepterin berdi. Bolashaqta basqa memlekettik organdar qoldaityn bolsa, zańnamaǵa ózgeris engizý bastamasy usynys retinde engiziledi", - dedi ol.
Tóraǵa 850 myń teńge bolatyn shekti 4,5 mln teńgege deiin kóterý usynylyp otyrǵanyn aitty.
