Biyl 178 myń iri qara mal basyn jáne 250 myńnan astam usaq maldy satyp alýdy qarjylandyrý josparlanýda. Bul týraly QR Aýyl sharýashylyǵy ministri Saparhan Omarov esep berý kezdesýinde aitty, dep habarlaidy QazAqparat.
«Mal sharýashylyǵy salasynda 4 paiyz kólemindegi turaqty ósim saqtalyp otyr. Jyl qorytyndysy boiynsha jalpy ónim kólemi 2,3 trln teńgege ósti. Kredit berý jáne qosymsha sýbsidiialaý arqyly iske asyrylǵan sharalar óz jemisin berdi. Máselen, iri qara mal men usaq mal 2,7, jylqy 11,5, shoshqa 2,5, qus 1,6 paiyzǵa artty. 2019 jyly qyzyl et óndirý kólemi 5,8, qus etin óndirý kólemi 15,8 paiyzǵa ulǵaidy. Memlekettik qoldaýdyń arqasynda sút óńdeý 7, et óńdeý 8 paiyzǵa ósti. Bul rette sút zaýyttarynyń júktemesi 18, et kombinattarynyń júktemesi 21,6 paiyzǵa ulǵaidy», - dedi ministr Ortalyq komýnikatsiialar qyzmetindegi onlain kezdesýde.
Onyń dereginshe, mal sharýashylyǵyn damytýǵa QazAgro 2019 jyly 156,5 mlrd teńge baǵyttady. Quny 53 mlrd teńge bolatyn 82 myń bas iri qara mal ákelý jáne 12,3 mlrd teńgege 374 myń bas usaq mal satyp alý júzege asyryldy. Sondai-aq, quny 19,1 mlrd teńge bolatyn 16 jańa investitsiialyq joba qarjylandyryldy.
«Osylaisha, budan buryn qarjylandyrylǵan jobalardy eskergende, 2019 jyly mal sharýashylyǵynda jalpy quny 64,3 mlrd teńgege 54 investitsiialyq joba engizildi. Biyl 178 myń iri qara mal basyn jáne 250 myńnan astam usaq maldy satyp alýdy qarjylandyrý josparlanýda. Sondai-aq import almastyrý aiasynda 46 myń tonna sút jáne 30 myń tonna qus etin óndirý jobalaryn iske asyrý kózdelgen», - dedi Saparhan Omarov.
