بيىل 178 مىڭ ٸرٸ قارا مال باسىن جەنە 250 مىڭنان استام ۇساق مالدى ساتىپ الۋدى قارجىلاندىرۋ جوسپارلانۋدا. بۇل تۋرالى قر اۋىل شارۋاشىلىعى مينيسترٸ ساپارحان وماروۆ ەسەپ بەرۋ كەزدەسۋٸندە ايتتى, دەپ حابارلايدى قازاقپارات.
«مال شارۋاشىلىعى سالاسىندا 4 پايىز كٶلەمٸندەگٸ تۇراقتى ٶسٸم ساقتالىپ وتىر. جىل قورىتىندىسى بويىنشا جالپى ٶنٸم كٶلەمٸ 2,3 ترلن تەڭگەگە ٶستٸ. كرەديت بەرۋ جەنە قوسىمشا سۋبسيدييالاۋ ارقىلى ٸسكە اسىرىلعان شارالار ٶز جەمٸسٸن بەردٸ. مەسەلەن, ٸرٸ قارا مال مەن ۇساق مال 2,7, جىلقى 11,5, شوشقا 2,5, قۇس 1,6 پايىزعا ارتتى. 2019 جىلى قىزىل ەت ٶندٸرۋ كٶلەمٸ 5,8, قۇس ەتٸن ٶندٸرۋ كٶلەمٸ 15,8 پايىزعا ۇلعايدى. مەملەكەتتٸك قولداۋدىڭ ارقاسىندا سٷت ٶڭدەۋ 7, ەت ٶڭدەۋ 8 پايىزعا ٶستٸ. بۇل رەتتە سٷت زاۋىتتارىنىڭ جٷكتەمەسٸ 18, ەت كومبيناتتارىنىڭ جٷكتەمەسٸ 21,6 پايىزعا ۇلعايدى», - دەدٸ مينيستر ورتالىق كومۋنيكاتسييالار قىزمەتٸندەگٸ ونلاين كەزدەسۋدە.
ونىڭ دەرەگٸنشە, مال شارۋاشىلىعىن دامىتۋعا قازاگرو 2019 جىلى 156,5 ملرد تەڭگە باعىتتادى. قۇنى 53 ملرد تەڭگە بولاتىن 82 مىڭ باس ٸرٸ قارا مال ەكەلۋ جەنە 12,3 ملرد تەڭگەگە 374 مىڭ باس ۇساق مال ساتىپ الۋ جٷزەگە اسىرىلدى. سونداي-اق, قۇنى 19,1 ملرد تەڭگە بولاتىن 16 جاڭا ينۆەستيتسييالىق جوبا قارجىلاندىرىلدى.
«وسىلايشا, بۇدان بۇرىن قارجىلاندىرىلعان جوبالاردى ەسكەرگەندە, 2019 جىلى مال شارۋاشىلىعىندا جالپى قۇنى 64,3 ملرد تەڭگەگە 54 ينۆەستيتسييالىق جوبا ەنگٸزٸلدٸ. بيىل 178 مىڭ ٸرٸ قارا مال باسىن جەنە 250 مىڭنان استام ۇساق مالدى ساتىپ الۋدى قارجىلاندىرۋ جوسپارلانۋدا. سونداي-اق يمپورت الماستىرۋ اياسىندا 46 مىڭ توننا سٷت جەنە 30 مىڭ توننا قۇس ەتٸن ٶندٸرۋ جوبالارىن ٸسكە اسىرۋ كٶزدەلگەن», - دەدٸ ساپارحان وماروۆ.
