Foto: facebook.com/sayasat
Ǵylym jáne joǵary bilim ministri Saiasat Nurbek biyldan bastap magistratýra men doktorantýra granttarynyń quny ósetinin málimdedi, dep habarlaidy Sputnik Qazaqstan.
Ministrdiń aitýynsha, eldegi joǵary oqý oryndarynyń kóbi áli zertteý formatyna kóshpegen. Onyń birneshe sebebi bar. Birinshisi – joǵary oqý oryndary rektorlarynyń magistrlar men PhD-doktoranttardy daiarlaýǵa qatty motivatsiiasy joq.
"Nege deseńiz, magistr grantynyń quny – 380 myń teńge. Al bakalavriat grantynyń quny – 1 mln teńgege jýyq. Sonda rektor bylai oilaidy: men qazir bakalavrdy qabyldasam, ol maǵan tórt jylda 4 mln teńge ákeledi. Al magistrdy qabyldasam, ol eki jylda maǵan bir million ákelmeidi. Sondyqtan biz osy jyldan bastap magistratýra, doktorantýra granttarynyń qunyn ósiremiz", - dedi Nurbek Úkimet kýlýarynda.
Ol magistratýra grantynyń quny keminde bakalavriatpen teńesý kerek ekenin atap ótti.
"Osy úsh jyldyń ishinde olar 1,5-2 mln teńge kóleminde bolady", - dedi ministr.
