فوتو: facebook.com/sayasat
عىلىم جەنە جوعارى بٸلٸم مينيسترٸ ساياسات نۇربەك بيىلدان باستاپ ماگيستراتۋرا مەن دوكتورانتۋرا گرانتتارىنىڭ قۇنى ٶسەتٸنٸن مەلٸمدەدٸ, دەپ حابارلايدى Sputnik قازاقستان.
مينيستردٸڭ ايتۋىنشا, ەلدەگٸ جوعارى وقۋ ورىندارىنىڭ كٶبٸ ەلٸ زەرتتەۋ فورماتىنا كٶشپەگەن. ونىڭ بٸرنەشە سەبەبٸ بار. بٸرٸنشٸسٸ – جوعارى وقۋ ورىندارى رەكتورلارىنىڭ ماگيسترلار مەن PhD-دوكتورانتتاردى دايارلاۋعا قاتتى موتيۆاتسيياسى جوق.
"نەگە دەسەڭٸز, ماگيستر گرانتىنىڭ قۇنى – 380 مىڭ تەڭگە. ال باكالاۆريات گرانتىنىڭ قۇنى – 1 ملن تەڭگەگە جۋىق. سوندا رەكتور بىلاي ويلايدى: مەن قازٸر باكالاۆردى قابىلداسام, ول ماعان تٶرت جىلدا 4 ملن تەڭگە ەكەلەدٸ. ال ماگيستردى قابىلداسام, ول ەكٸ جىلدا ماعان بٸر ميلليون ەكەلمەيدٸ. سوندىقتان بٸز وسى جىلدان باستاپ ماگيستراتۋرا, دوكتورانتۋرا گرانتتارىنىڭ قۇنىن ٶسٸرەمٸز", - دەدٸ نۇربەك ٷكٸمەت كۋلۋارىندا.
ول ماگيستراتۋرا گرانتىنىڭ قۇنى كەمٸندە باكالاۆرياتپەن تەڭەسۋ كەرەك ەكەنٸن اتاپ ٶتتٸ.
"وسى ٷش جىلدىڭ ٸشٸندە ولار 1,5-2 ملن تەڭگە كٶلەمٸندە بولادى", - دەدٸ مينيستر.
