Densaýlyq saqtaý ministri Ajar Ǵiniiat elde koronavirýsqa qatysty epidahýaldyń nasharlaýyna bailanysty lokdaýn engizý máselesi týraly aitty, dep habarlaidy QazAqparat.
«Búginde el aýqymynda lokdaýn engizý josparlanyp otyrǵan joq, qarastyrylyp ta jatqan joq. Biz qoldanyp otyrǵan barlyq shekteý sharalary densaýlyq saqtaý júiesine júktemeni azaitýǵa, koronavirýs infektsiiasynan bolatyn ólim-jitimdi azaitýǵa, shuǵyl kómektiń barlyq halyqqa qoljetimdi bolýyna baǵyttalǵan», - dep jaýap berdi Ajar Ǵiniiat Ortalyq kommýnikatsiialar qyzmetinde.
Ministr aldaǵy ýaqytta shekteý sharalary ár óńirdegi epidemiologiialyq jaǵdaiǵa bailanysty túrli deńgeide qoldanylatynyn aitty.
«Osy jyldar ishinde biz boljam jasaýdy jáne shekteý sharalaryn josparlaýdy úirendik», - dedi Densaýlyq saqtaý ministri.
