QR Eńbek jáne halyqty áleýmettik qorǵaý ministrligi men «Eńbek resýrstaryn damytý ortalyǵy» AQ skills.enbek.kz qysqa merzimdi onlain kýrstarǵa oqytý portalyn iske qosty.
Qazirdiń ózinde onlain kýrstardyń 70 avtory men ázirleýshileri múddeli azamattar úshin ózderiniń oqytý baǵdarlamalaryn usynýǵa daiyn, dep habarlaidy QazAqparat QR Eńbek jáne halyqty áleýmettik qorǵaý ministrliginiń baspasóz qyzmetine silteme jasap.
Portal marketpleis (qyzmetter naryǵy) qaǵidaty boiynsha onlain kýrstarǵa qoljetimdilikti usynatyn halyqaralyq oqytý alańdarynyń qazaqstandyq balamasy bolyp tabylady. Resýrs jalpy el halqynyń bilim deńgeii men kásibiligin arttyrý, damýǵa yntalandyrý jáne «ómir boiy oqytý» tujyrymdamasyn ilgeriletý maqsatynda quryldy.
Iske qosý kezinde qazaqstandyq avtorlar men ázirleýshiler aspazdyq jáne kýlinariialyq is, kosmetikalyq, zańdyq jáne býhgalterlik qyzmetter, qurylys, qonaqúi jáne meiramhana isi, is júrgizý, IT, SMM salalary boiynsha kýrstar usynady.
Kez-kelgen azamat https://skills.enbek.kz/ siltemesi arqyly nemese enbek.kzElektrondy eńbek birjasynda «Onlain oqytýdy» tańdaý arqyly talap etiletin biliktilikke oqytýǵa nemese biliktilikti arttyrý kýrstaryna qol jetkize alady.
Kýrstardyń avtorlary men ázirleýshileri qazaqstandyq zańdy tulǵalar men jeke kásipkerler, sonyń ishinde oqý ortalyqtary, bilim berý uiymdary bolyp tabylady. Olar qazirdiń ózinde kýrstardy ornalastyrý úshin tegin alań usynýda, onlain oqytýdy damytýǵa járdemdesýde, qosymsha kiris kózin alýda portaldyń artyqshylyqtaryn kórip otyr.
Jańa bastaǵan avtorlar men ázirleýshiler úshin portalda onlain kýrstardy qurý boiynsha ádistemelik usynymdar jáne olarǵa qoiylatyn talaptar ázirlendi jáne ornalastyryldy.
Skills.enbek.kz portalynda tirkelý men jumys isteýdiń barlyq máseleleri boiynsha QR Eńbekmini «ERDO» AQ jaýapty qyzmetkerlerimen bailanysýdy suraimyz:
- Aibýldinova Ainur, telefon: 8 (7172) 95 43 17 (ish.405), 87059873477, elektrondyq poshta: a.aibuldinova@enbek.kz;
- Kapitonova Dinara, telefondar: 8 (7172) 95 43 17 (ish.405), 87072503337, elektrondyq poshta: d.kapitonova@enbek.kz;
- Bidahmetova Venera, telefondar: 8(7172) 95 43 17 (ish.405), 87789302101, elektrondyq poshta: v.bidakhmetova@ enbek.kz.
