«Qazaqstan temir joly» UK» AQ jelilerinde 2020 jyldyń qyrkúieginde jalpy júk tieý kórsetkishi ótken jyldyń uqsas kezeńimen salystyrǵanda 2 paiyzǵa, iaǵni 22,5 mon tonnaǵa ósti, dep habarlaidy "Ult aqparat".
«Qyrkúiek aiynda tas kómirdi tieý mólsheri 8,6 mln tonnaǵa jetti. Onyń ishinde respýblikalyq baǵytta 5,9 mln tonna tielse, eksportqa qatty otynnyń 2,7 mln tonnasy jóneltildi. Áleýmettik mańyzdy ekinshi júktiń, iaǵni bidaidy tieý kórsetkishi 885 myń tonnaǵa jetip, ótken jyldyń qyrkúiek aiyndaǵy kórsetkishten 28 paiyzǵa joǵary mólsherdi kórsetti», - dep habarlaidy «QTJ — Júk tasymaly» AQ baspasóz qyzmeti.
Jalpy júk tieý salasynda oń dinamika qara metall (42 paiyz – 423 myń tonnaǵa deiin), himiialyq tyńaitqyshtar (8 paiyzǵa – 318 myń tonnaǵa), temir jáne marganets keni (6 paiyzǵa – 2,5 mln tonna), túrli-tústi ken (10 paiyzǵa – 2 mln tonna) salasynda baiqalady. 2020 jyldyń qańtar-qyrkúiek ailarynda jalpy tieý mólsheri 180 mln tonnaǵa jetken. Ótken jyldyń uqsas kezeńimen salystyrǵanda bul kórsetkish ózgerissiz qalyp otyr.
«Osy ýaqyt aralyǵynda 73 mln tonnadan artyq tas kómir tieldi. Onyń 20,8 mln tonnasy – eksport. Qazaqstan boiynsha qatty otyndy tieý mólsheri 5 paiyzǵa artyp, 52 mln tonnaǵa jetti. 6,1 mln tonna bidai ákelindi. Onyń 4,4 mln tonnasy – eksporttyq ónimder», - delingen habarlamada.
