2020 jyldyń III toqsanynda elimizde qylmys jasaǵan 57,2 myń adam anyqtaldy. Bul týraly QR UEM Statistika komitetinen málim etti, dep habarlaidy "Ult aqparat".
«Respýblikanyń quqyq qorǵaý organdary qylmys jasaǵan 57,2 myń adamdy anyqtap (2019 jylǵy III toqsanmen salystyrǵanda 23,1 paiyz az), 28,2 myń adam qylmystyq jaýapkershilikke tartyldy (4,1 paiyz kóp). Qylmys jasaǵan barlyq anyqtalǵan adamdardyń kópshiligi jumyssyzdar - 82,2 paiyz», - delingen komitet aqparatynda.
Vedomstvo málimetinshe, ortasha alǵanda Qazaqstanda qylmys jasaǵan árbir jetinshi adam mas kúiinde, ár toǵyzynshysy derlik top quramynda bolǵan. Qylmys jasaǵan adamdardyń jalpy sanynan 1367 adam nemese 2,4 paiyzy - kámeletke tolmaǵandar. Bul ótken jyldyń sáikes kezeńimen salystyrǵanda 36,4 paiyzǵa az. Olardyń ishinde tómendegi jas aralyǵynda jasalǵan qylmystar: 14-15 jas – 256 (2019 jylǵy III toqsanda - 460) adam nemese kámeletke tolmaǵan quqyq buzýshylar sanynyń 18,7 paiyzy; 16-17 jas – 1111 (1688) adam nemese 81,3 paiyzy.
