2020 جىلدىڭ III توقسانىندا ەلٸمٸزدە قىلمىس جاساعان 57,2 مىڭ ادام انىقتالدى. بۇل تۋرالى قر ۇەم ستاتيستيكا كوميتەتٸنەن مەلٸم ەتتٸ, دەپ حابارلايدى "ۇلت اقپارات".
«رەسپۋبليكانىڭ قۇقىق قورعاۋ ورگاندارى قىلمىس جاساعان 57,2 مىڭ ادامدى انىقتاپ (2019 جىلعى III توقسانمەن سالىستىرعاندا 23,1 پايىز از), 28,2 مىڭ ادام قىلمىستىق جاۋاپكەرشٸلٸككە تارتىلدى (4,1 پايىز كٶپ). قىلمىس جاساعان بارلىق انىقتالعان ادامداردىڭ كٶپشٸلٸگٸ جۇمىسسىزدار - 82,2 پايىز», - دەلٸنگەن كوميتەت اقپاراتىندا.
ۆەدومستۆو مەلٸمەتٸنشە, ورتاشا العاندا قازاقستاندا قىلمىس جاساعان ەربٸر جەتٸنشٸ ادام ماس كٷيٸندە, ەر توعىزىنشىسى دەرلٸك توپ قۇرامىندا بولعان. قىلمىس جاساعان ادامداردىڭ جالپى سانىنان 1367 ادام نەمەسە 2,4 پايىزى - كەمەلەتكە تولماعاندار. بۇل ٶتكەن جىلدىڭ سەيكەس كەزەڭٸمەن سالىستىرعاندا 36,4 پايىزعا از. ولاردىڭ ٸشٸندە تٶمەندەگٸ جاس ارالىعىندا جاسالعان قىلمىستار: 14-15 جاس – 256 (2019 جىلعى III توقساندا - 460) ادام نەمەسە كەمەلەتكە تولماعان قۇقىق بۇزۋشىلار سانىنىڭ 18,7 پايىزى; 16-17 جاس – 1111 (1688) ادام نەمەسە 81,3 پايىزى.
