Foto: pexels.com
Qazaqstanda kóshi-qondy baqylaýdy kúsheitýge baǵyttalǵan túzetýlerdiń jańa toptamasyn ázirleý máselesi talqylanyp jatyr, dep habarlaidy Ult.kz.
Túzetýlerdiń birinshi paketin qamtityn zańǵa biyl mamyr aiynda qol qoiyldy, atap aitqanda, buryn balalarǵa qatysty jynystyq sipattaǵy qylmys jasaǵan adamdarǵa Qazaqstanǵa kirýge tyiym salynady, sondai-aq turaqty turýǵa jáne azamattyqqa qabyldaýǵa ruqsat berýden bas tartý engiziledi.
Sondai-aq ekstremistik nemese terroristik áreketterge qatysy bar sheteldikterdiń kirýine tyiym salynady.
"Qazirgi ýaqytta kóshi-qondy baqylaýdy kúsheitýge baǵyttalǵan túzetýlerdiń jańa paketin ázirleý máselesi talqylanýda. Sheteldikterdi tirkeý institýtyn qaitarý máselesi qarastyrylyp jatyr, ol týristerge emes, Qazaqstanda 30 kúnnen artyq bolǵysy keletinderge qatysty bolady. Sheteldikterdi tirkeý tetigi men tártibin aqparattyq tehnologiialardy paidalana otyryp, ońailatylǵan túrde júrgizý josparlanyp otyr", - dedi QR IIM Kóshi-qon qyzmeti komitetiniń tóraǵasy Aslan Atalyqov OKQ alańynda ótken baspasóz konferentsiiasynda.
Onyń aitýynsha, jalǵan tirkeý úshin ákimshilik jaýapkershilikti kúsheitý qajet.
Deportatsiialaýdyń jańa institýtyn engizý josparlanyp otyr, bul qaskói zańbuzýshylardy Qazaqstannan tez shyǵarýǵa múmkindik beredi.
