QR Premer-Ministri Asqar Maminniń tóraǵalyǵymen ótken selektorlyq Úkimet otyrysynda epidemiologiialyq jaǵdai jáne koronavirýs infektsiiasyna qarsy kúres sharalary qaraldy. Elimiz boiynsha aǵymdaǵy jaǵdai týraly densaýlyq saqtaý ministri Aleksei Tsoi baiandap berdi.
Ministr habarlaǵandai, 5 shildede qatań karantindik shekteý sharalary engizilgennen bastap 3 apta ishinde 35 951 jańa KVI-men aýyrý tirkeldi. Jalpy, tirkelgen jaǵdailardyń 29%-ǵa tómendeýi baiqalyp otyr.
«COVID-19-ben aýyrý jaǵdaiy orta eseppen táýligine 1600 adam deńgeiinde turaqtandy. Sondai-aq, kereýetterdiń bos bolmaýy 43%-ǵa, onyń ishinde 27%-ǵa tómendeýi baiqalady. Saýyǵyp shyqqandardyń sany 63%-ǵa deiin ósti. Osylaisha, densaýlyq saqtaý júiesine júktemeniń negizgi kórsetkishteriniń tómendeýine qol jetkizildi», — dedi A. Tsoi.
Karantindik sharalardy jeńildetýdiń ázirlengen kriteriilerine sáikes, ministrlik infektsiianyń reprodýktivtik kórsetkishin (bir naýqas oqshaýlanǵanǵa deiin aýrýdy juqtyratyn adamdar sany) jáne KVI emdeý úshin infektsiialyq statsionarlardyń tósek-oryn qorynyń qamtylý paiyzyn qadaǵalaidy.
Osylaisha, 3 aptada karantin nátijesinde kelesilerge qol jetkizildi. Infektsiianyń reprodýktivtik kórsetkishi 1,2%-dan 0,99%-ǵa deiin tómendedi. Jáne tósek-oryndardyń qamtylý paiyzy 90%-dan 47%-ǵa deiin tómendedi.
Osylaisha, densaýlyq saqtaý júiesine túsetin júktemeniń negizgi kórsetkishteriniń joǵaryda kórsetilgen oń serpini karantindik sharalardy kezeń-kezeńmen jumsartý múmkindigi bar ekenin kórsetip otyr.
«COVID-19-dan syrqattanýshylyq pen ólim-jitim jaǵdaiyn odan ári turaqtandyrý ekonomikanyń barlyq sektorlarynyń úilesimdi jumysyna jáne tartylýyna bailanysty ekenin erekshe atap ótkim keledi. Atap aitqanda: qabyldanatyn turaqtandyrý sharalarynyń tiimdiligi tek qana 30%-ǵa meditsinalyq kómek pen epidemiologiialyq is-sharalardyń sapasyna bailanysty», — dedi vedomstvo basshysy.
Sonymen qatar, qalǵan 70%-y jiyntyǵynda maska rejimi men gigienany saqtaýǵa (30%), sondai-aq áleýmettik qashyqtyq normalaryn saqtaýǵa (40%) bailanysty.
Ministr atap ótkendei, búgin barlyq qazaqstandyq qoǵamǵa koronavirýs emes, qaýipsizdik pen salaýatty ádetter «juqpaly» bolýy úshin barlyq sharalardy qabyldaý qajet.
«Ol úshin eń aldymen maska rejimi men gigienany odan ári saqtaýdy qamtamasyz etý qajet. Úiden tys jerlerde maskalardy kiiý infektsiianyń berilýin 30%-ǵa qysqartady. Infektsiianyń taralýynda qol gigienasy erekshe ról atqarady», — dedi A. Tsoi.
Osyǵan bailanysty:
Birinshiden, múddeli MU men JAO-dy tarta otyryp, maska rejimin saqtaý úshin biznestiń baqylaýyn jáne jaýapkershiligin kúsheitý (qaýipsizdik beldigin mindetti túrde qoldaný mysalynda).
Ekinshiden, barlyq qoǵamdyq oryndarda qoldy zalalsyzdandyrý úshin sanitaizerler ornatýdy qamtamasyz etý.
Úshinshiden, barlyq aqparattyq arnalar arqyly halyqpen aqparattyq-túsindirý jumystaryn júrgizýdi qamtamasyz etý.
Sondai-aq, áleýmettik qashyqtyq qaǵidaty saqtalýy tiis, ol mynalardy qamtidy:
-
Keńselerdiń qashyqtan jumysyn (20/80 qatynasynda) jáne oqýshylar men stýdentterdi qashyqtyqtan oqytýdy.
-
Maska rejimin jáne áleýmettik qashyqtyqty saqtaý múmkin emestigine bailanysty buqaralyq is-sharalardyń barlyq túrlerine tyiym salý.
-
Baqylaýdy kúsheite otyryp, zonalaýdy, belgileýdi jáne obektilerdiń toltyrylýyn saqtaýda biznestiń jaýapkershiligin arttyrý.
Bul sharalar barlyq aqparattyq arnalar boiynsha halyq arasynda kúsheitilgen aqparattyq-túsindirý jumysyn júrgizýmen súiemeldenýi tiis.
A. Tsoidyń aitýynsha, osylaisha, kúsheitilgen sanitarlyq-dezinfektsiialyq rejimdi saqtaý, maska taǵý jáne áleýmettik ara qashyqtyqty saqtaý jaǵdaiynda 2020 jylǵy 3 tamyzdan bastap infektsiianyń reprodýktivtilik kórsetkishine keminde (R ≤ 1) jetken kezde, sondai-aq bir apta ishinde tósek-oryndardyń qamtylý kórsetkishi 70%-dan az jáne ólim-jitim deńgeii tómendegen kezde mynadai infraqurylymdyq obektilerdiń qyzmetine ruqsat etiledi:
-
Ýaqyty men kúnder boiynsha shekteýlermen saýda-oiyn-saýyq ortalyqtary, saýda úileri, saýda jelileri, jabyq azyq-túlik, azyq-túliktik emes bazarlar;
-
Balalarǵa arnalǵan túzetý kabinetteri, bilim berý ortalyqtary, balalardy damytý ortalyqtary, toptarda 5 adamnan aspaityn úiirmeler;
-
Kezekshi toptar rejimindegi mektepke deiingi balalar mekemeleri;
-
sulýlyq salondary, shashtarazdar, kosmetikalyq jáne kosmetologiialyq qyzmet kórsetetin ortalyqtar men salondar, aldyn ala jazylý boiynsha manikiýr jáne pedikiýr salondary;
-
Qashyqtyqtan jumys isteý formasy memlekettik organdardyń (uiymdardyń) qyzmetkerleri men keńse qyzmetkerleriniń keminde 80%-y úshin saqtalýy tiis.
Densaýlyq saqtaý ministri áleýmettik qashyqtyqty saqtai otyryp, ashyq aýada jeke jáne toptyq jattyǵýlar jasaýǵa ruqsat etiletinin atap ótti. Sondai-aq ulttyq quramalar úshin 30 adamnan aspaityn qurammen sporttyq jattyǵýlar jasaýǵa bolady.
Halyqtyń júrip-turýyna qatysty mynadai talaptar saqtalady:
-
Kóshelerde júrý, saiabaqtarǵa, skverlerge jáne jaǵalaýlarǵa barý — 3 adamnan aspaýy tiis;
-
Qoǵamdyq kóliktiń maska taǵý, sanitarlyq-dezinfektsiialyq rejimdi saqtaý jáne kondýktorlardyń bolýymen, ýaqyt boiynsha shekteýlerdi saqtai otyryp jáne jolaýshylardy 50%-dan asyrmai jumys isteýi.
Sonymen qatar salynǵan tyiymdardy saqtaý qajet:
-
kópshiliktiń qatysýymen ótetin is-sharalardyń barlyq túrlerine, oiyn-saýyq mekemeleriniń, kinoteatrlardyń, fýdkorttardyń, banket zaldarynyń jumysyna;
-
meiramhanalar, barlar, túngi jáne oiyn klýbtarynyń jumysyna;
-
mádeniet nysandarynyń, mýzeilerdiń jumysyna, konferentsiialar, kórmeler, forýmdar ótkizýge;
-
sport zaldarynyń, fitnes-ortalyqtardyń, basseinderdiń, akvapark jaǵajailarynyń jumysyna;
-
dini nysandar jumysyna;
-
qala mańyndaǵy jolaýshylar poiyzdarynyń (jumys poiyzdarynan basqa, elektrichkalardyń) qozǵalysyna, ortaq vagondardy, qalaaralyq avtobýstardy (shaǵyn avtobýstardy) qalyptastyrýǵa.
Almaty qalasynyń ákimi Baqytjan Saǵyntaev 5 shildede kúsheitilgen sharalardy engizý durys sheshim bolǵanyn atap ótti.
B. Saǵyntaevtyń aitýynsha, Almatydaǵy epidemiologiialyq jaǵdai keshendi túrde turaqtandy. Megapolistegi koronavirýs juqtyrǵandardyń ósýi 2,2%-ǵa deiin tómendedi. Qazirgi tańda qalada 10 965 COVID-19 juqtyrǵan adam tirkelgen. Olardyń ishinde 6 341 adam nemese 60%-y emdelip shyqqan. Koronavirýstan qaitys bolǵandar sany — 73 adam (0,68%). Pnevmoniia jáne COVID-19 kúdigimen jedel járdem shaqyrý sany 4 esege azaidy. Statsionarlarǵa jatqyzylatyn adamdar sany 2 eseden astam tómendedi. Sondai-aq emhanaǵa júginýshiler sany da 2 ese azaidy.
Pandemiiamen kúresý jáne jańa tolqynnyń bastalýyna daiyndyq jumystary kúsheitildi. Jedel járdem baǵytynyń jańa modeli jasaldy. Negizgi klinikalyq-diagnostikalyq baǵyttar boiynsha shtattan tys mamandardyń institýty quryldy. Jalpy qalalyq zerthana jelisi ortalyqtandyryldy.
Alǵashqy meditsinalyq járdem bólimsheleri COVID-19-ben kúresýge beiimdeldi. Ambýlatoriialyq deńgeide mobildi brigadalar qyzmet etedi. Qaýip tobyna jatqyzylǵan patsienttermen Monitoring ortalyǵynyń jetekshi mamandary jumys isteidi.
Qaladaǵy barlyq reanimatsiialardy baqylaý úshin jedel áreket etetin Reanimatsiialyq top qurylǵan. Infektsiialyq statsionarlardy eshelondaý jáne patsientterdi irikteý júiesi engizildi. Dárigerlerdiń qaýipsizdigin qamtamasyz etý, aýrýhana ishinde aýrý juqtyrýdyń aldyn alý sharalaryn baqylaý kúsheitildi.
Qalany sanitarlyq-epidemiologiialyq qorǵaý boiynsha qosymsha sharalar qabyldandy. Búgingi kúni COVID-19-ben kúreske 27 meditsina uiymy tartylǵan. Jalpy tósek qory 6 096 oryndy quraidy. Tósek-oryndardyń bos bolmaýy 90 paiyzdan 50%-ǵa deiin azaidy. Búgingi tańda bul kórsetkish 42%-ǵa deiin tómendedi.
Pandemiianyń jańa tolqynyna daiyndyq aiasynda jaǵdaiy aýyr naýqastarǵa arnalǵan birinshi eshelon statsionarlaryndaǵy infektsiialyq tósek oryndaryn 1015 orynǵa kóbeitý kózdelgen. Tamyz aiynyń sońyna deiin 500 orynǵa arnalǵan jańa gospital paidalanýǵa beriledi. Qyrkúiektiń ortasyna deiin 300 tósek-orynǵa arnalǵan tez salynatyn taǵy bir infektsiialyq gospital iske qosylady. 1 qazanǵa deiin eki qonaq úidiń bazasynda jeke investitsiialar esebinen 215 tósek-oryndyq tolyqqandy kovidtik emhanalar qurylatyn bolady. Tamyz aiynyń sońyna deiin jańa patologoanatomiialyq biýro iske qosylady.
1689 qyzmetkerden kadrlyq rezerv jasaqtaldy. Olar únemi qaita daiarlyqtan ótip otyrady.
Búgingi kúni 394 myń PTR zertteý júrgizilgen. Qazirgi ýaqytta táýlik boiy 9 550 PTR zertteý júrgiziledi. 1 qyrkúiekke qarai qýaty táýligine 19 950 zertteýge deiin jetkiziledi.
Sonymen qatar almatylyqtardyń popýliatsiialyq immýnitetin zertteý jumystary júrgizilýde. Immýndy-fermenttik taldaý jasaityn 2 jeke zerthana jumys isteidi. Búginde olar 7 myń zertteý júrgizdi. Osyndai úsh memlekettik zerthanany ashýǵa daiyndyq jumystary júrip jatyr.
Meditsina uiymdaryn materialdyq-tehnikalyq jabdyqtaýǵa, dári-dármekpen qamtamasyz etýge, jeke qorǵaný quraldaryn satyp alýǵa, meditsina qyzmetkerlerin qamtamasyz etýge jáne basqa da maqsattarǵa jergilikti biýdjetten 68,5 mlrd teńge bólindi.
Áleýmettik mańyzy bar dárilik zattar men meditsinalyq maqsattaǵy buiymdar boiynsha Turaqtandyrý qory quryldy. Oǵan 10 mlrd teńge bólindi. Onyń ishinde dárihana jelisin qamtamasyz etýge 5 mlrd teńge, statsionarlarǵa 5 mlrd teńge qarastyrylǵan.
94 túrli preparattardyń qory jasalýda. 1 shildeden bastap 9 mln astam qaptama kelip tústi. Onyń ishinde tórt bort boiynsha, Turaqtandyrý qorynyń qarajaty esebinen — 3,6 mln.
«Búginde qala qoimalarynda 2,8 mln preparattardyń qory bar. Osy aptanyń sońyna deiin Turaqtandyrý qorynyń esebinen taǵy 3,8 mln qaptama ákelinedi. Jumys jalǵasýda. Jaǵdai turaqty. Kezek joq», — dedi Almaty qalasynyń ákimi.
Muny jedel jelige habarlasýlar sanynan anyq kórýge bolady. Eger aýrýlar eń kóp tirkelgen kezde (14 shilde) 1,1 myń ótinish berilse, 26 shildede shamamen 90 ótinish kelip túsken.
Qala jeke qorǵaný quraldarymen tamyz aiynyń sońyna deiin qamtamasyz etilgen.
Statsionarlardy meditsinalyq gazben ortalyqtan qamtamasyz etý jónindegi qalalyq baǵdarlama iske asyryla bastady. 10 qyrkúiekke deiin 8 bazalyq statsionar ortalyqtandyrylǵan ottegimen qamtamasyz etiledi. Olardy aiaqtaǵannan keiin – qalǵan statsionarlar boiynsha jumys jalǵastyrylady.
Bir aidyń ishinde jergilikti, respýblikalyq biýdjet, sondai-aq demeýshilik kómek esebinen qalaǵa 308 ókpeni jasandy tynystandyrý apparaty jáne 2022 ottegi kontsentratory ákelinedi.
55 jedel járdem mashinasy keledi dep kútilýde. Qazaqstannyń Damý Banki arqyly taǵy 35 kólik jetkizý máselesi pysyqtalyp jatyr.
Barlyq kovidtik statsionarlarda káriz aǵyndylaryn zararsyzdandyrý júiesiniń qurylysy bastaldy.
Sonymen birge árbir juqpaly aýrýlar klinikasynyń janynda meditsinalyq qaldyqtardy joiatyn zamanaýi stantsiialar salynady. Bul eki baǵyt ta qyrkúiek aiynda aiaqtalady.
Óz kezeginde Shymkent qalasynyń ákimi Murat Áitenov búgingi tańda qalada COVID-19 virýsyn juqtyrǵandardyń sany 4 708-di quraǵanyn habarlady.
«Ótken táýlikte 54 virýs juqtyrǵan adam tirkelip, ósim +1,2% qurady. Osy aidyń basymen salystyrǵanda eki ese tómendeý baiqalady. Shilde aiynyń alǵashqy bes kúninde virýs juqtyrǵandar 84-100-di nemese ósimi 2,5-3 paiyzdy qurady. Osy kezeńde 2 938 naýqas emdelip shyqty. Ókinishke orai, 31 adam qaitys boldy (onyń ishinde Túrkistan oblysynan – 3)», — dedi Shymkent qalasynyń ákimi.
Juqpaly aýrýlar jáne provizorlyq statsionarlarda qysqa ýaqyt ishinde qosymsha 3 050 tósek orny uiymdastyrylyp, oryn sany 3 860-qa jetkizildi. Olardyń ishinde 650 infektsiialyq, 3 210 provizorlyq tósek oryn bar. Onyń ishinde reanimatsiialyq tósek oryn sany 30 orynnan 151 orynǵa deiin ulǵaityldy. Qosymsha 58 ÓJJ, 250 «Bobrov» tynys alý apparattary jáne 26 reanimatsiialyq monitor satyp alyndy.
«Reanimatsiialyq orynnyń 88,7%-y 138 ÓJJ apparatymen qamtylǵan. Ottegimen qamtylǵan oryn sany 861-ge nemese jalpy orynnyń 22,3 paiyzyna jetkizildi. Ottegimen turaqty túrde qamtamasyz etý máselesi sheshilýde. 2 aýrýhanada ottegi stantsiiasyn iske qosý jumystary júrgizilip jatyr. Bir ai merzimde taǵy 3 aýrýhanada qosylatyn bolady. Alǵashqy meditsinalyq-sanitarlyq kómek kórsetý boiynsha jumys kúsheitildi. Qosymsha 197 mobildi brigada quryldy, 15 693 naýqasqa úide statsionarlyq qyzmet kórsetildi», — dedi ákim.
Sonymen qatar 45 074 azamatqa mobildi brigada qyzmeti boiynsha dári-dármekter úige jetkizildi. Atqarylǵan jumys qaladaǵy epidemiologiialyq jaǵdaidyń jaqsarýyna yqpal etti.
Jedel járdem shaqyrýlarynyń sany kúnine 2 320-dan 1321-ge deiin, iaǵni 43%-ǵa tómendedi.
«Statsionarlarda emdelgen naýqastardyń sany 2 882-den 1240-qa deiin nemese 56,9%-ǵa tómendedi. Statsionarlardaǵy tósek-oryn júktemesi aidyń basynda 78,7%-dy qurady, al búgingi tańda 33%-ǵa deiin azaidy», — dep túiindedi Shymkent qalasynyń ákimi.
Nur-Sultan qalasynyń ákimi Altai Kólginovtiń aitýynsha, qazirgi kúni elordada koronavirýs infektsiiasyn juqtyrǵandar sany 10 320 adamdy quraǵan. Jalpy, 7260 adam nemese 70%-y jazylyp shyqqan al sońǵy bir apta ishinde olardyń sany 1563 quraǵan.
«Iaǵni, naýqastardyń shamamen 25%-i ótken aptada saýyqty. Ókinishke orai, 225 (2%) azamat qaitys boldy, 1511 adam statsionarlarda em alyp jatyr. Aýyr haldegi naýqastar sany 54,3%-ǵa azaidy», — dedi A. Kólginov.
Karantin engizilgen sátten bastap qalada koronavirýs infektsiiasyn juqtyrý boiynsha jaǵdaidyń turaqtalýy baiqaldy, densaýlyq saqtaý uiymdaryna túsken júkteme edáýir azaidy. Atap aitqanda, jedel járdemge júginý sany táýligine 4300-den 1600-ge deiin, iaǵni 3 esege tómendegen, onyń ishinde KVI boiynsha jedel járdemge júginý 500-den 89-ǵa deiin, iaǵni 6 esege azaidy. Jalpy jedel járdemdi shaqyrýlar sany táýligine 3 myńnan 1000-ǵa deiin, nemese 3 esege tómendedi. Sonymen qatar pnevmoniiamen aýyryp jatqan azamattar sany 2 esege azaidy, statsionarlardyń júktemesi 99%-dan 38%-ǵa deiin tómendedi, reanimatsiiadaǵy adamdar sany 57%-ǵa deiin azaiǵan. Eger buryn aýrýhanalarǵa táýligine 500-ge jýyq patsient túsetin bolsa, qazir olardyń sany 90-ǵa deiin azaiǵan.
«Aýrýhanalarǵa qosymsha 500 arnaiy jabdyqtalǵan tósek-oryn, 350 ottegi kontsentrattary, 150 flýometr jáne 2 kompiýterlik tomograf alyndy. Qosymsha taǵy da meditsinalyq jabdyqtar satyp alý josparlanýda. Kompiýterlik tomograf arqyly turǵyndardy táýlik boiy tekserý júrgizilýde. Nátijesinde statsionarlarǵa túsken salmaq edáýir azaidy», — dedi elorda basshysy.
Meditsinalyq kadrlar tartý boiynsha ákimniń habarlaýynsha, qaladaǵy kolledjderden 275 jas maman emhanalarda jumysqa ornalasty. Meditsinalyq ýniversitetten 300 stýdent jumyldyryldy. Jalpy alǵanda oqý oryndarynan 500-den astam jas meditsinalyq maman tartylǵan.
«Dárihanalyq jelilerdiń distribiýterlerine logistika, dári-dármekterdi satyp alý jáne qalaǵa jetkizý rásimderin jeńildetý máseleleri boiynsha qoldaý kórsetilýde. Sonymen qatar, distribiýterlerge dári-dármekterdi satyp alý úshin ainalym qarajaty bólindi», — dedi A. Kólginov.
A.j. 12 shildeden bastap elordaǵa Túrkiia, Resei, Úndistan jáne basqa da elderden suranysqa ie farmakologiialyq toptarǵa kiretin 110 tonnadan astam meditsinalyq preparattardyń 4,5 mln qaptamasy jetkizildi. Bul dári-dármekter dárihanalardyń iri jelilerine teńdei bólinip jetkizildi, qazirgi kúni 1 aiǵa jetkilikti qor qalyptastyryldy.
Nur-Sultan qalasyndaǵy aýrýhanalar birtindep josparly meditsinalyq kómek kórsetýge kóshýde. Bir apta buryn 3 aýrýhana, atap aitqanda: №1 jáne №2 kópsalaly qalalyq balalar aýrýhanasy, №2 kópsalaly aýrýhana josparly meditsinalyq kómek kórsetýdi bastap ketti. Al 3 tamyzdan bastap barlyq kalalyq emhanalar josparly meditsinalyq kómek kórsetýdi bastaidy.
«Tamyzdyń 15-ne deiin birtindep bosap jatqan statsionarlar sanyn qysqartý esebinen aýrýhanalardyń óz jumysyna qaita oralýyn josparlap otyrmyz. Biraq infektsiialyq jáne provizorlyq statsionarlar qajet jaǵdaida jetkilikti oryndarymen qaita ashylýǵa daiyn bolady», — dep naqtylady qala basshysy.
Onyń aitýynsha, karantinnen keiingi indetpen kúresý is-sharalaryn júzege asyrý maqsatynda qala turǵyndarynyń arasynda qatań karantin sharalaryn saqtaý qajettiligi týraly túsindirý jumystary qarqyndy júrgizile beredi. Sondai-aq qoǵamdyq kólikke jáne halyq kóp jinalatyn obektilerge maskasyz júrgen adamdar jiberilmeitin bolady, adam kóp jinalatyn oryndarda, barlyq uiymdar men mekemelerde ara qashyqtyqty saqtaý syzbalaryn ornatý, dezinfektsiia jasaý, sanitaizerler qoiý mindetti talap bolyp qala beredi.
«Osy qarapaiym sanitarlyq talaptar qatań túrde saqtalǵan jaǵdaida ǵana uzaq merzimge sozylý qaýpi bar indetti juqtyryp almaý múmkindigi barynsha arta túsedi», — dedi A. Kólginov.
Mańǵystaý oblysynda koronavirýs infektsiiasyn juqtyrǵan 2743 adam tirkeldi. Sońǵy táýlikte 44 jaǵdai tirkelip, aýrýdyń táýliktegi ósý qarqyny 1,6% qurady, bul karantindik shekteýlerdiń arqasynda 2 ese tómendegenin kórsetedi.
«Emdelip shyqqandar – 1898 adam nemese 70,3% qurap otyr. Qazirgi tańda pnevmoniiadan emdelip jatqan adamdar sany - 657, 56%-ǵa tómendedi. Aqtaý qalasyndaǵy №1 100 oryndyq provizorlyq statsionardyń jumysy adam sanynyń azaiýyna bailanysty toqtatyldy, biraq olar kez kelgen ýaqytta paidalaný úshin rezervte daiyn bolady. Qazirgi kezde 1561 tósek-oryn bar, onyń tolymdylyǵy 53% quraidy», — dedi óńirdegi epidemiologiialyq jaǵdai týraly Mańǵystaý oblysynyń ákimi Serikbai Trumov.
Oblysta jedel járdemdi shaqyrtýlardyń sany 45%-ǵa tómendedi, onyń ishinde pnevmoniia boiynsha shaqyrtýlar shamamen 3 esege azaidy.
Meditsinalyq qural jabdyqtarmen qamtamasyz etý boiynsha oblysta 218 ÓJJ apparaty bar, onyń 121-i koronovirýs infektsiiasymen aýyratyn naýqastardy emdeýge tartyldy. Sonymen qatar, koronavirýstyq infektsiiamen kúresýge 336 birlik ottegi kontsentratory tartyldy. Óńirdegi densaýlyq saqtaý uiymdarynda ottegi stantsiialaryn qurý jumystaryna 7 nysan josparlandy, bul jumystar bastalyp ketti.
Indetpen kúresý úshin mamandar tapshylyǵyn joiý maqsatynda óńirge jalpy alǵanda barlyǵy 47 meditsina qyzmetkeri tartylǵan, taǵy 65 maman keledi dep kútilýde.
«Qazirgi tańda oblys boiynsha PTR testileýmen 76 700 adam tekserildi. 100 myń adamǵa shaqqandaǵy kórsetkish 10839 adamdy qurady. 5 zerthanalyq ortalyq bar, onyń ishinde 1 memlekettik, qalǵandary 4 - jekemenshik. 1 táýlikte ortasha eseppen 800-den asa PTR test ótkizýge tolyq múmkindigimiz bar, bul zerthanalardyń múmkindigi táýligine 2000 adamǵa deiin qamti alady», — dedi S. Trumov.
Sonymen qatar Jańaózen qalasynda PTR testiden ótkizetin zerthana ashylady. Qazir demeýshilerdiń kómegimen qosymsha 100 myń dana test alyndy, iaǵni oblys turǵyndaryn tegin PTR testiden ótkizýge múmkindik bar.
«Oblys boiynsha dárihanalarǵa dári-dármekter jetkizýmen 4 kásipker ainalysady. Búgingi kúni dári-dármek qory tolyq jasaqtaldy. Jergilikti biýdjetten taǵy 300 mln teńge qarajat bólinip, dári-dármek qoryn jasaqtaý úshin jumystar atqarylýda. Búgingi kúni dári-dármekter ýaqtyly jetkizilip, dárihanalardaǵy jaǵdai turaqtaldy, kezek joq», — dedi oblys ákimi.
Mańǵystaý oblysynda 126 mobildi brigada qyzmet etýde. «BRK-Lizing» AQ arqyly óńirge 52 arnaiy jedel járdem avtokóligin alý úshin respýblikalyq biýdjetten qarajat bólindi. Sonymen birge munaishylar 7 jedel járdem kóligin demeýshilikpen alǵan.
Karantin shekteýlerine bailanysty reidtik tekseris barysynda óńirdegi 932 obekt tekserilip, onyń 43-i ákimshilik jaýapkershilikke tartylyp, 71-ine eskertý jasaldy. Dári–dármekter baǵasynyń ósý faktilerin boldyrmaý maqsatynda monitoring júrgizilip, nátijesinde 17-dári-dármek baǵasynyń zańsyz ósýi, 3 farmatsevtikalyq qyzmetpen zańsyz ainalysý, 1 litsenziialaý normasyn buzý deregi anyqtalǵan.
Oblys basshysynyń aitýynsha, óńirde barlyq shekteý sharalary áli jalǵasatyn bolady.
Qostanai óńirinde koronavirýs infektsiiasyn juqtyrýdyń 2 354 jaǵdaiy tirkelgen, onyń 1 176 -sy simptomsyz, 6 adam qaitys boldy. 1480 adam nemese 63% saýyqtyryldy.
«Bir apta ishinde aýyrǵandan sanynyń ósýi 2,6% qurady. 2 188 tósek-oryn qarastyryldy, onyń ishinde: 1734 provizorlyq tósek-oryn bar, júkteme 90-nan 63%-ke deiin tómendedi, sondai-aq 454 infektsiialyq tósek-oryn bar, júkteme 53-ten 30%-ke deiin tómendedi. Pnevmoniiaǵa shaldyǵýshylyq 2 ese tómendedi», — dedi Qostanai oblysynyń ákimi Arhimed Muhambetov.
Sondai-aq, oblysta jedel járdem qyzmetin shaqyrtýlar sany táýligine 2 ese tómendegen. Koronavirýs infektsiiasyn diagnostikalaý jalpy qýaty táýligine 1 800 zertteýge deiingi 5 zerthana bazasynda júrgiziledi. Veterinariialyq zerthanalar filialdarynyń bazasynda jaqynda qýaty táýligine 400 zertteýge deiingi 2 PTR zerthanasyn ashý josparlanýda.
Infektsiiamen kúreske tartylǵan qyzmetkerlerdi yntalandyrý maqsatynda 1,2 mlrd teńge somasynda qosymsha aqy tólendi. Koll-ortalyqtardyń jumysy kúsheitildi, shtat eki ese ulǵaityldy. Qońyraý shalý sany kúnine 180-nen 120-ǵa deiin tómendegeni baiqalady. Emhanalar janynda úiinde emdelýshilerge meditsinalyq kómek kórsetetin 160 mobildi ámbebap brigada quryldy.
Meditsinalyq uiymdarda dári-dármekter men meditsinalyq buiymdardyń 2 ailyq qory bar. Halyqty dári-dármektermen úzdiksiz qamtamasyz etý maqsatynda tqraqtandyrý qory quryldy, farmatsevtikalyq uiymdarǵa 300 mln teńge somasynda qaitarymdy qarjylai kómek kórsetildi.
Búgingi kúni Qostanai oblysy meditsinalyq uiymdarynyń balansynda jumys istep turǵan 247 ÓJJ apparaty bar, onyń ishinde aǵymdaǵy jyly meditsinalyq uiymdarǵa 58 ÓJJ apparaty satyp alyndy. Budan basqa, taǵy 200 ókpeni jasandy jeldetý apparatyn jetkizý josparlanyp otyr.
Sondai-aq meditsinalyq uiymdarǵa biýdjetten tys qarajat esebinen 300-ge jýyq kontsentraty jetkiziletin bolady, 300-i jetkizildi. Jergilikti biýdjetten 4 iri provizorlyq jáne infektsiialyq statsionarlarda 856 ottegi núktesine ottegi jelisin júrgizýge qarajat bólindi. 3 kompiýterlik tomograf jáne 10 tsifrlyq rentgen apparaty, Rýdnyi qalalyq aýrýhanasy úshin magnittik-rezonanstyq tomografiia apparaty satyp alynady. Sonymen qatar, aǵymdaǵy jyly 80 birlik sanitarlyq avtokólik satyp alyndy, taǵy da 30 birligi satyp alynatyn bolady.
«Qazir eń basty másele - meditsina salasyna mamandardy tartý. Biylǵy jyly 240 jas maman dáriger keledi dep kútilýde. Árbir jas mamanǵa 1,5 mln teńgeden kóterme járdemaqy tólenedi. «Qazaqstan ipotekalyq kompaniiasy» aktsionerlik qoǵamy arqyly olar úshin jaqynda Qostanai qalasynda 54 páter berildi, tamyz aiynda taǵy 120 páterdiń kiltin tapsyramyz. Sonymen qatar jyl sońyna deiin jalǵa beriletin 300 páter daiyndalýda», — dedi A. Muhambetov.
Sonymen qatar, oblystyq biýdjet esebinen meditsina mamandyǵy boiynsha jalpy 80 rezident jáne 20 stýdent daiarlaý bastaldy. Onyń ishinde 24 rezident biyl oblysymyzǵa kelip jumys isteidi. Barlyǵy 300-ge jýyq maman óńirge tartylatyn bolady.
Oblysta karantin sharalarynyń talaptaryn saqtaý boiynsha jumystar josparly túrde júrgizilýde.
«Monitoring júrgizetin toptar sany 44-ten 91-ge deiin ulǵaityldy. 6-26 shilde aralyǵynda monitoring júrgizý toptary ár túrli nysandardyń 2 myńnan astam obektisin tekserdi. 85 buzýshylyq anyqtalyp, 50 aiyppul salyndy», — dedi oblys basshysy.
