Densaýlyq saqtaý ministri Aleksei Tsoi Qazaqstanda KVI indetin juqtyrý boiynsha jaǵdai turaqtalǵanyn málimdedi, dep habarlaidy "Ult aqparat".
«Endi sandar týraly aitaiyn. Men osynaý kóp aqparatqa bas qatyrmai, qysqasha ǵana jetkizýge tyrysaiyn. Búgingi tańda respýblikada koronavirýs infektsiiasyn juqtyrýdyń 92 262 jaǵdaiy tirkeldi. Iá, bul san úrei týdyrýy da múmkin. Alaida olardyń 67 paiyzdan astamy aýrýdan saýyǵyp shyqty. Mundai jaǵymdy kórsetkishter baiaý bolsa da ósip keledi. Jaǵdai Batys Qazaqstan, Almaty, Túrkistan, Qostanai, Aqmola jáne Mańǵystaý oblystarynda, sondai-aq astanada ońalyp keledi», - dedi Aleksei Tsoi OKQ-da ótken baspasóz máslihatynda.
Osy sandardy keltire kele Aleksei Tsoi Qazaqstanda KVI indetin juqtyrý boiynsha jaǵdai turaqtalǵanyn jetkizdi.
«Ózderińider baiqap otyrǵan bolarsyzdar. Sharyqtaý sheginen óttik. Bizdiń mindetimiz - búkil adamdar úshin, búkil densaýlyq saqtaý júiesi úshin óte qiyn synaqpen kelgen osy pozitsiiany ustap qalý», - dedi ol.
