QR DSM Taýarlar men kórsetiletin qyzmetterdiń sapasy men qaýipsizdigin baqylaý komitetiniń tóraǵasy Timýr Sultanǵaziev adamdardy koronavirýs boiynsha testten ótkizý máseleleri jaily jańalyqtarmen bólisti, dep habarlaidy QazAqparat.
«Osy aidyń maýsymynan beri virýs juqtyrǵandardyń artýyn esepke ala otyryp, biz testileýdiń ózindik amal-ádisterin qaita qaradyq. JRVI jáne pnevmoniia sekildi aýrýlar anyqtalǵan jaǵdailarǵa basymdyq bere bastadyq. Azamattardyń óz talap-tilegimen zertteýden ótýi kezinte belgili bir defitsittiń bolǵanyn bilemiz. Aqyly negizde – jeke nemese memlekettik zerthanalarda da solai boldy. Qazaqstanda qazirgi ýaqytta basqa elderden qaraǵanda test kóp mólsherde júrgiziledi», - dedi ol OKQ-da tilshilerdiń suraǵyna jaýap bere otyryp.
Komitet tóraǵasy Úkimet rezervi arqyly otandyq jáne sheteldik taýar óndirýshilerden taǵy 1,2 mln PTR-test júiesi satyp alynǵaly jatqanyn eske saldy.
Sonymen qatar Timýr Sultanǵaziev Qazaqstan Dúniejúzilik densaýlyq saqtaý uiymymen birge koronavirýs boiynsha antidenelerdi anyqtaýǵa bailanysty zertteý júrgizgeli jatqanyn aityp ótti.
«Dúniejúzilik densaýlyq saqtaý uiymymen birge epidemiologiialyq zertteýdi júrgizý josparda bar. Zertteý mańyzyn eskere otyryp, Antidenelerdi zertteý jumysy Bas memlekettik sanitarlyq dárigerdiń qaýlysyna, diagnostika men emdeýdiń klinikalyq hattamasyna engizilgen», - dedi ol.
