Tótenshe jaǵdailar ministrliginiń áýe parki Qazaqstanda qurastyrylǵan eki jańa MI-8AMT tikushaǵymen tolyqty, dep habarlaidy "Ult aqparat".
24 maýsymda Almaty qalasynda «№405 aviajóndeý zaýyty» AQ aýmaǵyndaTótenshe jaǵdailar ministrligine Qazaqstanda qurastyrylǵan Mi-8AMT eki tikushaǵyn berý rásimi ótti.
Is-sharaǵa Tótenshe jaǵdailar birinshi vitse-ministri Ibragim Kúlshimbaev qatysty.
Ol 2020 jylǵy jeltoqsanda Qazaqstanda qurastyrylǵan Mi-8AMT alǵashqy 2 tikushaǵy da TJM paidalanýyna berilgenin atap ótti.
Áýe kemeleri Nur-Sultan, Almaty qalalarynda ázirlikte tur.
Olar Túrkistan oblysynyń taýlaryndaǵy izdestirý-qutqarý operatsiialaryna, shuǵyl meditsinalyq evakýatsiialaýǵa, orman aviatsiialyq jumystaryna jáne elimizdiń aýmaǵyndaǵy sý tasqyny qaýpi bar kezeńde aerovizýaldy barlaý jumysyna jumyldyryldy.
TJM tikushaq parkin tolyqtyrý «Qazaqstan injiniring» UK» AQ, «№ 405 aviajóndeý zaýyty» AQ jáne «Resei tikushaqtary» AQ arasyndaǵy úshjaqty kelisim aiasynda iske asyrylady.
Tikushaqtar TJM oryndaityn mindetterdi eskere otyryp jasalǵan.
Olar jolaýshy men júk tasymaldaýǵa, zilzala men tabiǵi apat aimaqtaryndaǵy avariialyq-qutqarý jumysyna, orman kúzetýge, órt sóndirýge, sondai-aq halyqqa sanitariialyq aviatsiia qyzmetterin kórsetýge beiimdelgen.
Tehnika aviatsiialyq qyzmetter men jumystardyń keń spektrin oryndaýǵa arnalǵan.
Ol zamanaýi jabdyqtarmen, ushýdyń praktikalyq aýqymyn 2 ese arttyratyn qosymsha otyn baktarymen jabdyqtalǵan.
Mi-8AMT modifikatsiialanǵan áýe kemesinde ushýlardy oryndaý úshin TJM ushý jáne injenerlik-tehnikalyq quramynan 18 adam (12 ushqysh jáne 6 bort-mehanik) Ulan-Ýde qalasyndaǵy «Bargýzin AK» aviatsiialyq oqý ortalyǵynda ushý daiarlyǵynan ótti.
Is-shara sońynda birinshi vitse-miistr aldaǵy ýaqytta TJ ministrliginiń materialdyq-tehnikalyq bazasyn nyǵaitý boiynsha jumys jalǵasatynyn atap ótti.
Ol tabiǵi jáne tehnogendik sipattaǵy tótenshe jaǵdai kezinde qutqarý operatsiiasyn júrgizýdiń tiimdiligin arttyrýǵa múmkindik beredi.
