Qazaqstanda kún jylynady. "Qazgidromet" sinoptikteri 16-18 naýryz aralyǵyna aýa raiy boljamyn jariialady, - dep habarlaidy Tengrinews.kz.
Meteorologtardyń boljamy boiynsha, Qazaqstannyń barlyq aýmaǵynda aýa temperatýrasy kóteriledi.
"Sondai-aq, antitsiklonnyń taralýymen elimizdiń basym bóliginde aýa raiy jaýyn-shashynsyz. Tek aptanyń basynda respýblikanyń shyǵys bóliginde, sodan keiin batysynda jaýyn-shashyn (jańbyr, qar), tuman, kóktaiǵaq bolady, jel kúsheiedi", - delingen habarlamada.
Eske salaiyq, buǵan deiin sinoptikter 15 naýryzdaǵy Qazaqstandaǵy aýa raiyn aitqan bolatyn. Birneshe óńirde eskertý jariialandy. Olar: Qyzylorda, Atyraý, Batys Qazaqstan, Qostanai, Pavlodar, Qaraǵandy, Shyǵys Qazaqstan oblystary.
