قازاقستاندا كٷن جىلىنادى. "قازگيدرومەت" سينوپتيكتەرٸ 16-18 ناۋرىز ارالىعىنا اۋا رايى بولجامىن جارييالادى, - دەپ حابارلايدى Tengrinews.kz.
مەتەورولوگتاردىڭ بولجامى بويىنشا, قازاقستاننىڭ بارلىق اۋماعىندا اۋا تەمپەراتۋراسى كٶتەرٸلەدٸ.
"سونداي-اق, انتيتسيكلوننىڭ تارالۋىمەن ەلٸمٸزدٸڭ باسىم بٶلٸگٸندە اۋا رايى جاۋىن-شاشىنسىز. تەك اپتانىڭ باسىندا رەسپۋبليكانىڭ شىعىس بٶلٸگٸندە, سودان كەيٸن باتىسىندا جاۋىن-شاشىن (جاڭبىر, قار), تۇمان, كٶكتايعاق بولادى, جەل كٷشەيەدٸ", - دەلٸنگەن حابارلامادا.
ەسكە سالايىق, بۇعان دەيٸن سينوپتيكتەر 15 ناۋرىزداعى قازاقستانداعى اۋا رايىن ايتقان بولاتىن. بٸرنەشە ٶڭٸردە ەسكەرتۋ جارييالاندى. ولار: قىزىلوردا, اتىراۋ, باتىس قازاقستان, قوستاناي, پاۆلودار, قاراعاندى, شىعىس قازاقستان وبلىستارى.
