Qazaqstannyń memlekettik bas sanitarlyq dárigeri Aijan Esmaǵambetova 2020 jyldyń 27 shildesinde «Qazaqstan Respýblikasynyń memlekettik bas sanitarlyq dárigeriniń 2020 jyldyń 26 maýsymyndaǵy №43 qaýlysyna ózgerister men tolyqtyrýlar engizý týraly» jańa qaýlyǵa qol qoidy. Jańa erejege sáikes qazaqstandyqtar jabyq nysandarmen birge kóshede jáne kólikte maska taǵyp júrýge mindetteldi, dep habarlaidy "Ult aqparat".
Qaýlyda kórsetilgendai, halyq úshin myna jaǵdailarda maska taǵýǵa mindetteledi:
- jabyq nysandarda (dárihana, dúken, keńse, meditsinalyq uiym, halyqqa qyzmet kórsetý salasyndaǵy uiymdar men basqa jerlerde), sonymen birge kólikte jáne kóshede júrgende;
- COVID-19 aýrýy boiynsha kúdikti adamǵa kómektesetin saý azamattarǵa;
- koronavirýs infektsiiasyna uqsas aýrý belgileri paida bolǵan jaǵdaida (dene qyzýynyń kóterilýi, jótel nemese túshkirý);
Qaýlynyń bul bóligi mindetti túrde oryndalýǵa jatady. Bul talap saqtalmaǵan jaǵdaida kináliler ákimshilik jaýapkershilikke tartylady.
