Qazaqstanda koronavirýstyń úndi shtamy anyqtalǵan joq. Bul týraly QR Densaýlyq saqtaý ministri Aleksei Tsoi aitty, dep habarlaidy "Ult aqparat".
«Qazirgi sátte saraptamalardy sońǵy sekvestrleý barysynda Qazaqstannan úndi shtamm anyqtalǵan joq. Biz mundai zertteýlerdi turaqty túrde júrgizemiz. Tolyqtai alǵanda densaýlyq saqtaý júiesi túrli stsenariilerge daiyndalǵan. Ózge elderdegi qazirgi ahýalǵa monitoring jasaimyz. Qazaqstanǵa kez kelgen eldiń azamatynyń PTR-diń teris nátijesinsiz kirýine tyiym salatyndyǵymyzdy bilesizder», - dedi ministr Ortalyq kommýnikatsiialar qyzmetindegi brifing barysynda.
Ministrdiń atap ótýinshe, PTR testileý koronavirýstyń barlyq túrin, onyń ishinde úndi shtamyn da anyqtai alady.
«Sondyqtan biz qazirgi ýaqytta ásirese, shekaradaǵy ahýalǵa monitoring júrgizemiz. Buǵan qosa, kórshilerimizdegi jaǵdaiǵa da monitoring jasaimyz. Bul der ýaqytynda áreket etý úshin jasalady. Jalpy, densaýlyq saqtaý júiesi túrli syn-tegeýringe daiyn», - dedi Aleksei Tsoi.
