قازاقستاندا كوروناۆيرۋستىڭ ٷندٸ شتامى انىقتالعان جوق. بۇل تۋرالى قر دەنساۋلىق ساقتاۋ مينيسترٸ الەكسەي تسوي ايتتى, دەپ حابارلايدى "ۇلت اقپارات".
«قازٸرگٸ سەتتە ساراپتامالاردى سوڭعى سەكۆەسترلەۋ بارىسىندا قازاقستاننان ٷندٸ شتامم انىقتالعان جوق. بٸز مۇنداي زەرتتەۋلەردٸ تۇراقتى تٷردە جٷرگٸزەمٸز. تولىقتاي العاندا دەنساۋلىق ساقتاۋ جٷيەسٸ تٷرلٸ ستسەنارييلەرگە دايىندالعان. ٶزگە ەلدەردەگٸ قازٸرگٸ احۋالعا مونيتورينگ جاسايمىز. قازاقستانعا كەز كەلگەن ەلدٸڭ ازاماتىنىڭ پتر-دٸڭ تەرٸس نەتيجەسٸنسٸز كٸرۋٸنە تىيىم سالاتىندىعىمىزدى بٸلەسٸزدەر», - دەدٸ مينيستر ورتالىق كوممۋنيكاتسييالار قىزمەتٸندەگٸ بريفينگ بارىسىندا.
مينيستردٸڭ اتاپ ٶتۋٸنشە, پتر تەستٸلەۋ كوروناۆيرۋستىڭ بارلىق تٷرٸن, ونىڭ ٸشٸندە ٷندٸ شتامىن دا انىقتاي الادى.
«سوندىقتان بٸز قازٸرگٸ ۋاقىتتا ەسٸرەسە, شەكاراداعى احۋالعا مونيتورينگ جٷرگٸزەمٸز. بۇعان قوسا, كٶرشٸلەرٸمٸزدەگٸ جاعدايعا دا مونيتورينگ جاسايمىز. بۇل دەر ۋاقىتىندا ەرەكەت ەتۋ ٷشٸن جاسالادى. جالپى, دەنساۋلىق ساقتاۋ جٷيەسٸ تٷرلٸ سىن-تەگەۋرٸنگە دايىن», - دەدٸ الەكسەي تسوي.
