Qazaqstanda koronavirýstyń taralýy tómendep keledi. Bul týraly Úkimet otyrysynda QR Densaýlyq saqtaý ministri Aleksei Tsoi aitty, dep habarlaidy "Ult aqparat".
Ministrdiń dereginshe, naýqastaný kórsetkishi boiynsha álemdik reitingtegi 221 eldiń ishinde Qazaqstan 108-orynda, al ólim-jitim boiynsha 107-orynda tur.
«Joǵary epidemiologiialyq táýekel aýmaǵynda 10 óńir, atap aitqanda Nur-Sultan, Almaty qalalary, Aqmola, Aqtóbe, Atyraý, Batys Qazaqstan, Qaraǵandy, Qyzylorda, Mańǵystaý jáne Pavlodar oblystary tur. Ortasha epidemiologiialyq táýekel aimaqqa búginde Jambyl, Shyǵys Qazaqstan, Almaty jáne Qostanai oblystary kiredi. «Jasyl» aimaqta - Túrkistan men Soltústik Qazaqstan oblystary», - dedi ministr.
Onyń aitýynsha, elimizde 27 sáýirge deiin COVID-19-dyń oń nátijesimen 311 400, al teris nátijesimen 52 431 naýqas tirkelgen.
«Naýqastanýdyń kúndelikti dinamikasy naýryz aiynyń sońyndaǵy 46 paiyzdyq ósim qarqynynyń ótken apta ishinde 8 paiyzǵa deiin tómendeýimen sipattalady. Sońǵy aptada onyń aldyndaǵy aptamen salystyrǵanda ólim-jitim ósimi 30-dan 8 paiyzǵa deiin tómendedi. Ahýaldyń aitarlyqtai turaqtanýy baiqalady. Óńirler aimaqtaǵy epidemiologiialyq ahýaldy eskere otyryp shekteý is-sharalaryn túzetýdi jáne qabyldaýdy jalǵastyrýda», - dedi Aleksei Tsoi.
