قازاقستاندا كوروناۆيرۋستىڭ تارالۋى تٶمەندەپ كەلەدٸ. بۇل تۋرالى ٷكٸمەت وتىرىسىندا قر دەنساۋلىق ساقتاۋ مينيسترٸ الەكسەي تسوي ايتتى, دەپ حابارلايدى "ۇلت اقپارات".
مينيستردٸڭ دەرەگٸنشە, ناۋقاستانۋ كٶرسەتكٸشٸ بويىنشا ەلەمدٸك رەيتينگتەگٸ 221 ەلدٸڭ ٸشٸندە قازاقستان 108-ورىندا, ال ٶلٸم-جٸتٸم بويىنشا 107-ورىندا تۇر.
«جوعارى ەپيدەميولوگييالىق تەۋەكەل اۋماعىندا 10 ٶڭٸر, اتاپ ايتقاندا نۇر-سۇلتان, الماتى قالالارى, اقمولا, اقتٶبە, اتىراۋ, باتىس قازاقستان, قاراعاندى, قىزىلوردا, ماڭعىستاۋ جەنە پاۆلودار وبلىستارى تۇر. ورتاشا ەپيدەميولوگييالىق تەۋەكەل ايماققا بٷگٸندە جامبىل, شىعىس قازاقستان, الماتى جەنە قوستاناي وبلىستارى كٸرەدٸ. «جاسىل» ايماقتا - تٷركٸستان مەن سولتٷستٸك قازاقستان وبلىستارى», - دەدٸ مينيستر.
ونىڭ ايتۋىنشا, ەلٸمٸزدە 27 سەۋٸرگە دەيٸن COVID-19-دىڭ وڭ نەتيجەسٸمەن 311 400, ال تەرٸس نەتيجەسٸمەن 52 431 ناۋقاس تٸركەلگەن.
«ناۋقاستانۋدىڭ كٷندەلٸكتٸ ديناميكاسى ناۋرىز ايىنىڭ سوڭىنداعى 46 پايىزدىق ٶسٸم قارقىنىنىڭ ٶتكەن اپتا ٸشٸندە 8 پايىزعا دەيٸن تٶمەندەۋٸمەن سيپاتتالادى. سوڭعى اپتادا ونىڭ الدىنداعى اپتامەن سالىستىرعاندا ٶلٸم-جٸتٸم ٶسٸمٸ 30-دان 8 پايىزعا دەيٸن تٶمەندەدٸ. احۋالدىڭ ايتارلىقتاي تۇراقتانۋى بايقالادى. ٶڭٸرلەر ايماقتاعى ەپيدەميولوگييالىق احۋالدى ەسكەرە وتىرىپ شەكتەۋ ٸس-شارالارىن تٷزەتۋدٸ جەنە قابىلداۋدى جالعاستىرۋدا», - دەدٸ الەكسەي تسوي.
