Qazaqstanda koronavirýstyń taralý indeksi 9 paiyzǵa tómendedi. Bul týraly búgin Úkimet otyrysynda QR Densaýlyq saqtaý ministri Aleksei Tsoi aitty, dep habarlaidy "Ult aqparat".
«1 tamyzdan bastan Qazaqstandaǵy koronavirýstyń taralý indeksi 9 paiyzǵa, 1,11-den 1,01-ge deiin, Nur-Sultan qalasynda kórsetkish 1-den, al Almatyda R sany 19 paiyzǵa tómendedi. Kúndelikti monitoringke sáikes óńirler shegindegi tósek-oryn júktemesi osy jyldyń 10 tamyzyndaǵy jaǵdai boiynsha 328 meditsinalyq nysanda 55 658 infektsiialyq tósek-oryndy quraidy. Respýblika joiynda júkteme 54 paiyzdy qurap otyr. Infektsiialyq statsionarlardaǵy reanimatsiialyq tósek-oryn sany 4 969-dy quraidy, júkteme 45 paiyz», - dedi ministr.
Onyń atap ótýinshe,eldegi epidemiologiialyq ahýal ýshyqqan jaǵdaiǵa ázirlengen taǵy 7 419 infektsiialyq tósek-oryn bar.
«Infektsiialyq tósek-oryndardyń eń joǵary júktemesi Atyraý oblysy men Nur-Sultan qalasynda – 69 paiyz, Aqtóbe oblysynda – 65 paiyz, Almaty qalasy men Jambyl oblysynda - 63 paiyz», - dedi Aleksei Tsoi.
