قازاقستاندا كوروناۆيرۋستىڭ تارالۋ يندەكسٸ 9 پايىزعا تٶمەندەدٸ. بۇل تۋرالى بٷگٸن ٷكٸمەت وتىرىسىندا قر دەنساۋلىق ساقتاۋ مينيسترٸ الەكسەي تسوي ايتتى, دەپ حابارلايدى "ۇلت اقپارات".
«1 تامىزدان باستان قازاقستانداعى كوروناۆيرۋستىڭ تارالۋ يندەكسٸ 9 پايىزعا, 1,11-دەن 1,01-گە دەيٸن, نۇر-سۇلتان قالاسىندا كٶرسەتكٸش 1-دەن, ال الماتىدا R سانى 19 پايىزعا تٶمەندەدٸ. كٷندەلٸكتٸ مونيتورينگكە سەيكەس ٶڭٸرلەر شەگٸندەگٸ تٶسەك-ورىن جٷكتەمەسٸ وسى جىلدىڭ 10 تامىزىنداعى جاعداي بويىنشا 328 مەديتسينالىق نىساندا 55 658 ينفەكتسييالىق تٶسەك-ورىندى قۇرايدى. رەسپۋبليكا جويىندا جٷكتەمە 54 پايىزدى قۇراپ وتىر. ينفەكتسييالىق ستاتسيونارلارداعى رەانيماتسييالىق تٶسەك-ورىن سانى 4 969-دى قۇرايدى, جٷكتەمە 45 پايىز», - دەدٸ مينيستر.
ونىڭ اتاپ ٶتۋٸنشە,ەلدەگٸ ەپيدەميولوگييالىق احۋال ۋشىققان جاعدايعا ەزٸرلەنگەن تاعى 7 419 ينفەكتسييالىق تٶسەك-ورىن بار.
«ينفەكتسييالىق تٶسەك-ورىنداردىڭ ەڭ جوعارى جٷكتەمەسٸ اتىراۋ وبلىسى مەن نۇر-سۇلتان قالاسىندا – 69 پايىز, اقتٶبە وبلىسىندا – 65 پايىز, الماتى قالاسى مەن جامبىل وبلىسىندا - 63 پايىز», - دەدٸ الەكسەي تسوي.
