QR Densaýlyq saqtaý vitse-ministri, bas memlekettik sanitarlyq dáriger Erlan Qiiasov koronavirýstyń órshýiniń aldyn alý úshin tiisti jumystar atqarylǵanyn aitty, dep habarlaidy "Ult aqparat".
«Budan buryn pesimistik esepteýler boiynsha indettiń órshý múmkindigi naýryzdyń sońy men sáýirdiń basyna qarastyrylǵan edi. Alaida qazirgi jaǵdaida eskere otyryp, osyǵan deiin belgilengen qaýip seiilgenin baiqaýǵa bolady. Qazirgi kezde jaǵdai optimistik stsenarii boiynsha qalyptasyp keledi», - dedi E. Qiiasov Ortalyq kommýnikatsiialar qyzmetinde.
Sonymen qatar ol byltyrǵy jaz ailaryndaǵydai indettiń órshýi bolmaýy úshin tiisti jumystar atqarylǵanyn jetkizdi.
«Koronavirýs infektsiiasynyń taralýyn shekteýge baǵyttalǵan qadamdar tiisti oń nátijesin berdi dep úmittenemiz. Sondyqtan ótken jyldaǵy ahýal qaitalanbaidy dep sanaimyz», - dedi vitse-ministr.
Koronavirýs infektsiiasyna qarsy vaktsinalaý jalǵasyp jatyr. Qazirgi kezde birinshi komponentpen 20 157 adam egildi. 22 aqpannan bastap ekinshi komponentpen vaktsinalaý bastalyp, 2 137 adamǵa ekpe jasaldy, qolaisyz kórinister tirkelgen joq.
