QR DSM Meditsinalyq jáne farmatsevtikalyq baqylaý komiteti Dárilik zattar men meditsinalyq buiymdardy saraptaý ulttyq ortalyǵy sarapshysy Nurshai Ázimbaeva elimizde koronavirýstyń «britandyq» shtamy tirkelmegenin aitty, dep habarlaidy QazAqparat.
Ortalyq kommýnikatsiialar qyzmetinde koronavirýs infektsiiasynyń «britandyq» shtamyna qatysty suraq qoiyldy.
«Álem boiynsha koronavirýs infektsiiasy shtamdaryn, olardyń mýtatsiiasyn zerttep, qadaǵalap otyrmyz. Elimiz boiynsha ulttyq saraptama ortalyǵy bar. Ortalyq elde tirkelgen koronavirýs infektsiiasynyń shtamdaryn qarap, tekseredi. Osynyń nátijesinde, «britandyq» shatamm elimizdiń aýmaǵynda tirkelmedi», - dedi Ázimbaeva.
Sonymen bul baǵyttaǵy jumystar jalǵasyp jatqanyn aitty.
Budan buryn habarlanǵandai, baspasóz máslihatynda QR Densaýlyq saqtaý vitse-ministri, bas memlekettik sanitarlyq dáriger Erlan Qiiasov koronavirýsqa qarsy vaktsinalaý naýqanyna qatysty túsinik berdi.
Koronavirýs infektsiiasyna qarsy vaktsinatsiialaý jalǵasyp jatyr. Qazirgi kezde birinshi komponentpen 20 157 adam egildi. 22 aqpannan bastap ekinshi komponentpen vaktsinalaý bastalyp, 2 137 adamǵa ekpe jasaldy, qolaisyz kórinister tirkelgen joq.
