قر دسم مەديتسينالىق جەنە فارماتسەۆتيكالىق باقىلاۋ كوميتەتٸ دەرٸلٸك زاتتار مەن مەديتسينالىق بۇيىمداردى ساراپتاۋ ۇلتتىق ورتالىعى ساراپشىسى نۇرشاي ەزٸمباەۆا ەلٸمٸزدە كوروناۆيرۋستىڭ «بريتاندىق» شتامى تٸركەلمەگەنٸن ايتتى, دەپ حابارلايدى قازاقپارات.
ورتالىق كوممۋنيكاتسييالار قىزمەتٸندە كوروناۆيرۋس ينفەكتسيياسىنىڭ «بريتاندىق» شتامىنا قاتىستى سۇراق قويىلدى.
«ەلەم بويىنشا كوروناۆيرۋس ينفەكتسيياسى شتامدارىن, ولاردىڭ مۋتاتسيياسىن زەرتتەپ, قاداعالاپ وتىرمىز. ەلٸمٸز بويىنشا ۇلتتىق ساراپتاما ورتالىعى بار. ورتالىق ەلدە تٸركەلگەن كوروناۆيرۋس ينفەكتسيياسىنىڭ شتامدارىن قاراپ, تەكسەرەدٸ. وسىنىڭ نەتيجەسٸندە, «بريتاندىق» شاتامم ەلٸمٸزدٸڭ اۋماعىندا تٸركەلمەدٸ», - دەدٸ ەزٸمباەۆا.
سونىمەن بۇل باعىتتاعى جۇمىستار جالعاسىپ جاتقانىن ايتتى.
بۇدان بۇرىن حابارلانعانداي, باسپاسٶز مەسليحاتىندا قر دەنساۋلىق ساقتاۋ ۆيتسە-مينيسترٸ, باس مەملەكەتتٸك سانيتارلىق دەرٸگەر ەرلان قيياسوۆ كوروناۆيرۋسقا قارسى ۆاكتسينالاۋ ناۋقانىنا قاتىستى تٷسٸنٸك بەردٸ.
كوروناۆيرۋس ينفەكتسيياسىنا قارسى ۆاكتسيناتسييالاۋ جالعاسىپ جاتىر. قازٸرگٸ كەزدە بٸرٸنشٸ كومپونەنتپەن 20 157 ادام ەگٸلدٸ. 22 اقپاننان باستاپ ەكٸنشٸ كومپونەنتپەن ۆاكتسينالاۋ باستالىپ, 2 137 ادامعا ەكپە جاسالدى, قولايسىز كٶرٸنٸستەر تٸركەلگەن جوق.
