Densaýlyq saqtaý ministrligi Qazaqstan Respýblikasynda koronavirýstyń ainalymdaǵy ózge de shtammdaryna zertteý júrgizýde. Bul týraly Densaýlyq saqtaý ministri Aleksei Tsoi jelidegi paraqshasynda jazdy, dep habarlaidy "Ult aqparat".
«Dúniejúzilik densaýlyq saqtaý uiymymen birlesip Covid-19 shtammdaryn anyqtaityn ekspress PTR-skriningtiń jańa ádistemesi engizildi. 2021 jylǵy 17 naýryzda Ulttyq Qoǵamdyq densaýlyq saqtaý ortalyǵy filialynyń referens-zerthanasy Almaty qalasy boiynsha KVI-men aýyratyn naýqastardan alynǵan zerthanalyq úlgilerdi zerdeledi. Zertteý nátijeleri boiynsha «britandyq», «Ońtústik Afrika», «braziliialyq» shtamdarǵa uqsas yqtimal mýtatsiia anyqtaldy. Mýtatsiiany jáne onyń osy shtammdardyń birine jatatynyn naqty rastaý tolyq genomdyq sekvenirleý aiaqtalǵannan keiin bir ai ishinde aiqyndalatyn bolady», - dedi ministr.
Aita ketý kerek, KVI-diń aldyn alý jáne mýtatsiiany emdeý sharalary qoldanystaǵy tásilderge uqsas.
«Bul maska rejimin jáne áleýmettik araqashyqtyqty saqtaý, adam kóp jinalatyn oryndarǵa barmaý, sondai-aq halyqty jappai vaktsinatsiialaý.
N.F.Gamaleia atyndaǵy epidemiologiia jáne mikrobiologiia ǵylymi-zertteý ortalyǵynyń málimetteri boiynsha qazir Qazaqstan Respýblikasynda qoldanylatyn Gam-KOVID-Vak (Spýtnik V) vaktsinasynyń «britandyq» shtamǵa tiimdiligi dáleldendi», - dep tolyqtyrdy ministr.
