1 sáýir tańerteń Densaýlyq saqtaý ministrligi Qaraǵandyda bir naýqas koronavirýstan kóz jumǵanyn habarlady, dep jazady "Ult aqparat".
Qazaqstanda barlyǵy úsh adam virýstan qaitys boldy. 31 naýryzda Nur-Sultanda 50 jastaǵy er adam qaitys bolǵan. 26 naýryzda Aqmola oblysy Qosshy aýylynyń 64 jastaǵy turǵyny kóz jumǵan edi.
62 jastaǵy er adam jaqynda eki jaqty pnevmoniiamen juqpaly aýrýlar aýrýhanasyna óte aýyr jaǵdaida jatqyzylǵan, buǵan deiin ol meditsinalyq kómekke júginbegen. Reanimatsiiada oǵan belgilengen qaýipsizdik hattamasyna sáikes barynsha kómek kórsetilgen.
Ókinishke orai, dárigerlerdiń kómegi naýqastyń ómirin saqtap qala almady, ol tańǵy saǵat 7-de qaitys boldy. Onymen bailanysta bolǵan barlyq adamdar anyqtaldy jáne jabyq karantinge ornalastyrylady.
Elde naýqastardyń jalpy sany 363 adamǵa jetti:
- Nur-Sultanda - 184 adam
- Almatyda - 84 adam
- Qaraǵandyda - 14 adam
- Atyraý oblysynda - 16 adam
- Aqmola oblysynda - 16 adam
- Almaty oblysynda - 8 adam
- Qyzylorda oblysynda - 18 adam
- Jambyl oblysynda - 3 adam
- Shymkentte - 3 adam
- Batys Qazaqstan oblysy - 2 adam
- Shyǵys Qazaqstan oblysynda - 2 adam
- Aqtóbe oblysynda - 3 adam
- Soltústik Qazaqstan oblysynda - 2 adam
- Pavlodar oblysynda - 2 adam
- Mańǵystaý oblysynda - 1 adam
- Túrkistan oblysynda - 5 adam.
Koronavirýstan 24 adam (Almatyda - 8 adam, Nur-Sultanda - 16 adam) aiyqqan.
