Qazaqstanda koronavirýs infektsiiasynan kóz jumǵan adamdardy jerleý erejeleri ózgertildi. Bul týraly OKQ-da ótken baspasóz máslihatynda Densaýlyq saqtaý ministri Aleksei Tsoi málim etti, – dep habarlaidy "Ult aqparat".
«Kóz jumǵan adamdardy jerleý tártibi mańyzdy bolyp qalyp otyr. Qazirgi tártipke ózgerister engizildi: qaitys bolǵan adamdy sanitarlyq-epidemiologiialyq jáne gigienalyq normalardy saqtai otyryp, kez kelgen ziratqa jerleýge bolady», - dedi Aleksei Tsoi.
Aita ketsek, keiingi derekterge qaraǵanda Qazaqstanda koronavirýstan 188 adam qaitys bolǵan.
Eske sala ketsek, Úkimet 2 kúnniń ishinde osy jyldyń naýryz-mamyr aiyndaǵydai qatań karantin sharalaryn engizý boiynsha usynys ázirleýi tiis. Bul tapsyrmany koronavirýs indetiniń taralýyna qarsy sharalar qabyldaý jónindegi keńes barysynda QR Prezidenti Qasym-Jomart Toqaev bergen edi.
