Qazaqstanda 13 shildede bir minýt únsizdik jariialanady, - dep habarlaidy "Ult aqparat". Bul týraly Prezidenttiń keńesshisi Erlan Qarin Telegram kanalynda aitty.
"13 shilde Jalpyulttyq aza tutý kúni el boiynsha Nur-sultan ýaqyty boiynsha saǵat 12.00-de koronavirýs pandemiiasynyń qurbany bolǵan azamattardy eske alýǵa bir minýt únsizdik jariialanady", - dep jazdy Qarin.
Eske salaiyq, munyń aldynda Prezident Qasym-Jomart Toqaev Qazaqstanda 13 shilde Ulttyq aza tutý kúni bolyp jariialanatynyn málimdegen bolatyn.
"Kóptegen elde jaǵdai bizden de qiyn. Degenmen "Ár qazaq - meniń jalǵyzym" degendei, ár azamatymyzdyń qazasy júregime qatty batady. Mynaý alapat indet aramyzdan atalai asyldarymyzdy julyp áketip jatyr. Búginde qara jamylyp otyrǵan azamattarymyzdyń qaiǵysyna ortaqtasyp, kóńil aitamyn. Sol úshin 13 shildeni Ulttyq aza tutý kúni dep jariiaaimyn. Biraq bizdiń kúresimiz jalǵasa beredi", - degen edi Toqaev.
