Qazirgi ýaqytta koronavirýstyq infektsiiadan 25 912 adam em qabyldap jatyr, dep habarlaidy "Ult aqparat" QR Densaýlyq saqtaý ministrliginiń Telegram arnasyna silteme jasap.
Emdelip jatqandardyń arasynda 139 sábi bar. Statsionarlarda 5 507 naýqas jatyr. 20 405 adam ambýlatoriialyq jaǵdaida emdelýde. Jalpy naýqastardyń arasynda 170 adamnyń ahýaly nashar. Sonyń ishinde 36 naýqastyń ahýaly óte aýyr dep baǵalanýda. 41 naýqas ókpeni jasandy jeldetý apparatyna qosylǵan. ⠀
«QR Densaýlyq saqtaý ministrligi budan bylai táýliktik nátijeler týraly aqparatty kún saiyn únemi úzbei jariialap otyrady. Barlyq málimet resmi saitta jáne vedmostvanyń áleýmettik jelilerdegi paraqshalary arqyly taratylady. Atap aitqanda, naýqastardyń jalpy sany jóninde, qaitys bolý derekteri týraly jáne de qoǵam úshin mańyzdy ahýaldyń barlyǵy resmi aqparat taratý kózderinde jedel jariialanyp turady. Al, aimaqtardaǵy ahýal týraly aqparatty apta saiyn Densaýlyq saqtaý ministrliginiń resmi ókili arnaiy brifingte habarlanady», - delingen ministrlik taratqan habarlamada.
